E filada una corona 'e pruinca andaian
cantende de domo in domo: «Dàdenos
s'abba, Signore: sos pizzinnos cheren
pane, sos anzones cheren erba,
sos avanzos de sa chena dàdenos ... »
Custa càlema frimma in garrela, sas muscas
subra petas in càmula appietadas, in bidros
consumidas su mesu die affrebbadu,
sa campagna ch'attittan desoladas
furriadolzas de chigulas; e s'ajania
chi ti trazzas in s'umbra 'e s'apposentu
ue sognos s'ingalinan e disizzos,
cun sa brocca imbagantas in su jannile:
ed est terra e rosina in s'impedradu
ue passas andende a sa fontana,
a man'in chintu, brocca a duas
asas, pienas de fiores siccos
sas pettorras, de arrascios sos ojos.
Cherrinde sas isperas ch'ispighende
andas in sa messera, sen'isettu
ti remuzzas sas dies, una pena cumassende
sena madrighe; e su cabu chilchende
in su ghìndalu 'e sa vida s'imbrudugliat
s'azzola.
Ma it'affinada corno
isettas chi su tunciu nieddu ziret
in frisca risa da: has a vizi li are i sta
notte a lampana allutta su segretu
'e su 'eranu chi morit
ajanu, chi s'isprunit in allegria.
Sutta sa parra 'e sa luna
noa 'enis dae sa fontana
sa brocca a cùccuru
s'andanta lenta.