IN ART'IN ARTU...

Luna naralu ciaru,
coment'est ciara sa luche ch'imbias,
proit'est chi t'inciaras,
in palas de sos montes
de Còria e de Istetha,
pro osservar ' attenta ,
in su caminu tuo lenu lenu,
sas tumbas tristas de sa bidda mia?
Ite cheres chircare ,
su nudda de sos mortos chi sun cue?
Non bies ch ' est restada
de cussos caros frades
s' umbr'appena?
E ribos de piantu
chi surcan da-e meda
sos terrinos corvargios
iffustos chin samben'innossente.
O cheres attopare
s'affettu 'e una marna
chi han distruttu cue chenza dolu,
mostros viles, crudeles,
chi dolu non connoschen ne amore?
Cussa mam'est assente
e su chircare tuo no hat sensu.
Segheradichisese
de piugher'e preda
e bier non podes ne intendere.
Ma si pro sorte haias cumpresu,
ammenta chi sos mortos
no los acattas in su campusantu:
che sun in aterube,
in s'iscuru 'e s'ignotu,
in art'in artu ...
Ube si bien chin su pessamentu
e chin su caru ammentu.