Zenesi



Tzoccat sa lughe
in s'immensu
e mudu 'e arveschidas s'irrancu.
De oro est sa 'ia
In su sutzu 'e sa terra
a bulizu 'e salia.
Dae una diliga costa
Nde naschet un'ater'abberu

si pesat cun tuncios e gosu

tzarrende a sa luna e a sas cosas
chi annajan de aera e de pasu.
Alturas e roccas arestes
Intr'agos de trizile pinu
E bolos de puzonina;
murmuttos de su babbaudu
ei s'assucconada laghinza
dae lampos e tronos allutta.
E issa
superva criadura

jamad accunortu a su 'Eru'

dannendesi s'alma 'e arruinu:
so su Deu!>
Ma pustis cun dolimas tortas
No abboniada s'urulu mortale.
Sentida che torro a su lettu
Laoradu 'e suore salidu.
Su rendidu piulare iscurto a donz'ora
Ei su daddarare e peri sos nidos tzinnare.
Sa lagrim'at sempre unu cavanu

su 'entu frustatzat s'ischina

su sole consumit sa chiza.
Naschida dae su ludu 'e sos mortos

dae s'alenu 'e su chelu biaittu
e dae su nieddor'e s'iscuru;
amada e odiada dae s'ora
chi raffiat cudrele sentidu;
sestada dae s'alidu antigu

belada dae frittos de frina.
E cando t'istringo a su sinu

catteddu 'e su sambene meu

immentigo donzi traschia
posca 'e su mannu frastimu.




Cleide
(Gabriella Orgolesu)
Via Dublino 4 Olbia ss 07026
Tei. 07891950711 ceU.328 6627923