SU PUZONI MIGRATORIU


1)
Puzone chi e misteros, ses bestidu,
po cussu attentamente, osservo, a tie,
ti prego m'isvelare, solu chie, ?
t'at de amore su coro frunidu,
chie, a sa cumpagna, t'at unidul
fina a cado non torrat aba, e, nie,
e connottu às c'uss'amorosu istile,
cun sos primos, fiores de abrile.

2)
A's provedidu e crescher sa zenie,
chi po sa cale sunidu t'as fattu,
comente t'est'essidu gai, isattu
senza tenner de s'arte maestria?
in terra, o indun'alvure, e olia,
o in sa runda de unu palattu,
s'oju umanu pienat de consolu
ca paret chi si siet fattu solu,

3)
Poi cun cura paterna sinzera
allevas, d'ogni tou discendente,
imparziale, e tantu sapiente
po totu usas un'unica manera,
e a bolare los lancias i s'aera
cun s'ala debiledda e impotente,
in pagas dies pigana a sanue
furiosos comente olas tue,

4)
Chie t'at imparadu sa cantone
chi ses cantende cu magicos versos?
prite olasa, a logos diversos
po che passare un'ater'istagione ?
Affrontas, senza remu, ne timone,
mar in tempesta, cu bentos aversos,
t'avventas, a s'ignotu su pius variu
senza provista e senza ltinerariu.

5)
Si in coro me s'azzendet s'amore
appena chi cumparit, su eranu,
si mi vatto e su nidu su pianu,
o chi b'addesco, inie ogni minore,
Si canto cun melodicu tenore,
e traverso in maretas s'oceanu,
si totu custu, po vagher non zede
m'il'ispinghet s'istintu chi possedu.

SIRIU