SU PEDIDORE

Fit tanti lanzu, de proffessione,
teniat s'arte de su pedidore;
si pesaiat a su primu albore,
e si 'estiat bene de istrazzone.

si che sezziat in su muraglione,
de sa piatta 'e cheja mazzore,
sempre on piantu, in lamontu, in dolore,
ln sas carrelas, e in pultescione.

Nisciuni bi eriat, cun cuss'arte,
s 'hat balanzadu chimbe miliones,
su 'inari teniat postu a parte.

Est mortu 'e disigura in un'istalla:
su tesoro cosidu in sos scalzones;
arrazza 'e impiegu...Colpu 'o balla!!

MUZOLU


SA DENTIERA

Cando nd lest ruttu s'ultImu caninu,
mandigaiat sempre a sa lezzera,
manzanu e sero ai cussa manera,
ogni die pulenta e simulinu.

Com'est ferradu a nou, Costantinu,
su dentista l'hat fattu sa dentiera;
cando riet, sa zente furistera
lu lean pro Rodolfo Valentinu.

M'hat fattu veramente impressione;
l'appo nadu,
como, só zertu, mandigas benone.

Ma só senza ' inari, in pasu t' ista.
Chie mandignt bene, mala sorte,
pro como est... Solamente su dentista!!

MUZOLU


LIQUIDAZIONE

In negusciu nou ' e s'istradone,,
b'hana postu unu bellu manifestu,
inue su padronu, omine onestu,
bendet sa robba cun rimissione.

"Veru regalu liquidazione
si comporades faghideIu prestu".
Bi só intradu: Fid'unu pretestu,
e mi hana ispeddadu che anzone.

Premurosu e gentile su cummessu,
servindemi, addasegus de su bancu,
mi naraiat, custu est su progressu.

Ma sa robba chi happo comporadu,
baliat veramente...Calchi francu;
A Mie solu hana liquidadu

MUZOLU