Solu Tando

Càmbulo
Sonniande portentos

ma no este
in podere miu sa vida.

So' in balìa 'e su entu

e da-e s'abba dipendo

e da-e su sole
chi m'ispannat
sos ocros
a mirare

in beranu sos frores
sos puzones

e-i sos isteddos in chelu

cando jocan

che-i sos pizzinneddos in carrera.

E cando
mi limitat sos passos

cando su sero si-ch'intrat
e l'intregat sas cràes a sa notte.

Ma s'iscurto
sa trumba 'e su dolore

chi non zelat mai

Tando ... solu dae me dipendo


e-i sa manu mia
hat a fascare pragas
granghenosas

e luttos bortare in festa.

Solu tando

mi de' toccheddare
serenu
in pettus
su coro.