SI DEUS CHERET


S'ispentumada ojada mia
i n s'iscurigore 'e disacatu
est che fritza puntuda
i ntrendhe
onzi 'essu 'e su coro
a rebegliare rocas lanedhosas
de miserias ordinzadas
a ru e calarighe.
A fora sas atitadoras
chitidas
pro dare a bider balentias
de fureris e mortores

ma laras iscanzadas
in anninnias de paghe
e ponner sas faidas
de samben carrale
in berritas antigas
e iscrier un'istoria de unca
in s'impedradu de cheja
pro ammentare
una terra brujada
olvidada dae Deus.
A fora bistimentas de fresi
che "bentones de fortza"

ma omines imbreagos de amore
a fagher pinnetas
de coros intregados
che missiles a chelu
lampendhe innos de timanza
in sos altios diciosos.
E alu inferchire su coro a biculos
de "Sardus Pater"
in sa rughe de mesu
pro brotare su "furone bonu "

si Deus cheret.


istevene arru
de Putumajore 05-10-1940
istat in Tatari - CarrelaS. Farina
n.2-b
Tel. 079-240503