SARDIGNA EROICA

Oh! Sardigna, in sos seculos lontanos
Tenisti sempr'un'istirpe gherrera.
Istirpe leonina, in membros sanos
Valorosa, intrepida e fiera.

Unu popul'e Ciclopes costruesit
Rocca cun rocca, in monte, in sa piana,
E unu monumentu nde restesit,
Vestigiu d'una gloria lùntana.

Ancora oe, in sa notte iscurosa,
In sos buscos pius disabitados,
S'idet una fiama calorosa
Brillende in sos foghiles istudados.

Cussa, no est'una fiama tràgica
Ch'in sa notte risplendet cun calore:
Est fogu santu, fiama nuragica
Chi pro Sardign'est'eternu bagliore.

Affacc'a sa fiama mich'accosto
Osservo chi sun'anghelos alados:
Est s'anima de Amsicora e d'Josto
e atteros leones ,mastrucados.

Si mi domandan'ite sun fattende
Vicin'a sa fiama isclaressida,
Eo risrondo:"Forsi sun chirchende
Sa patria virtud'iscumparida!"

Bi sun sos imbinchibiles pastores
E de Gavoi s'eroe
Accudidos a tantos risplendores
Dae sa grutta de Santu Micheli.

Paris cun tottu cussos sun'unidos
Sos chi sun seprellidos in cavernas,
Dat tumba ipogeica 'essidos
Pro sullevare sas penas eternas.

Sunu tottus sos omines de tando
Resistentes a frittu e a fadiga...
Cando nde naschet, mi domand'e cando
Chi lasset una brillante istiga?

Hana respintu tantos invasores
Parende fronte a s'accanida gherra.
Zedimus com'omaggios e onores
A sos eroes de sa sarda terra.