Informazioni sull'opera
Sa zinzula intra dae carrela...
Intra sa zinzula in domo mia
m'inde oga s'oju notte e die
atteru no si lea si no a mie...
comente chi bi sie deo ebìa.
Mi pùnghe su nasu cun su punzone
in su lettu mi giro arrabiadu
a ciaffos in cara mi so colpadu...
Remediu no b'a po su muscone!!
In carrela zente pagu e zou
da una janna a s'attera olende
ista velenu in tottùe semenende.
Solu custu su godimentu sou....
Vera zinzula in carre umana
che amiga ìntrad' in d'ogni logu
e in sas familias pone fogu:
pessòna maligna
falza
mezzàna.
De segrettos si pienas sa matta
bolad'in presse a l'iscobiàre
sos bighinos a pònnere a pare
limba pungosa
acuta che atta...
Issa pònede in briga sa zente:
s'azzuffa muzzere cun maridu
puru frades e sorres appo idu
tra issos
mazzendesi malamente.
Amigas de coro dae pizzinnìa
sa matta sinde ogan de su fele
màstighende velenu
e non mele...
Cura no b'a po custa maladìa!
A s'umana zinzula ist'attentu:
su chi as a s'acua cunfidadu
de sigùru crasa o arigadu
in d'ogni logu l'isparghe su entu!!
E si giannile li lassas giampare
in domo tua intra su trobeddu
chi prestu giras finzas su cherveddu!
Malignidade ti faghe crebare
Antonio Tanca - Largo Seminario 5 - Sassari
tel. 32853 4543
| Titolo | SA ZINZULA INTRA DAE CARRELA... |
| Sezione | |
| Autore | Antonio Tanca |
| Nome | B20050068 |
| Anno | 2005 |
| Argomento | |
| Descrizione | |
| Lingua | |
| Editore | Premio Ozieri |
| Contributore | TecnoService |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 2005 |
| Copertura | Italia, Sardegna, Logudoro |
| Diritti | Comune di Ozieri - Premio Ozieri |
| Analisi del Testo |