Oe poberu me...

Oe poberu me, ecco cos'este:
sa die pas at penosa e areste,
lontanu da—e s'umbra delicada.

Sa frutta primaria desizzada
ch'est da—e tottu,lontanu pagh'este;
oh'co la giame, invanu com'este

ca proite mi'enit su addhinzu,
e 'e 'isto sempre cun su pistighinzu
chi de continu ni faghet penare,

Si calchi olta lu fatto passare(1)
est pro su'ene ch'amo e ch'haia.
Ahi!(già morte?) gioventude mia

chi muda, muda, sas alas mi segas
proite: cuddha gioia mi negas,
poi chi t'apo fedele servidu ?

Non tindh'ammentas de candho m'has bidu
giamadu da—e tottu e in tottue?
Como mi giughes goi, rue, rue

tich'andhas e mi lassas senz'azzudu.
E deo isperanzosu, e mai mudu,
ti giamo e non rispondhes, istas muda

E proite? che prima ti abbertuda
che una olta chi t'haia cara.
Forsis chi custa oghe non ti est giara

non m'hasa in simpatia? Poberittu!
Comin !su coro bi vivet su frittu.
ca tue non li das pius calura.

Santos! Custa est vida 'e clausura
sa chi mi leat, cumpletu, s'alenu.
drommo, cammino in log'anzenu

pilucchendhe pianu e fiduciosu,
Mi sento gai 'ene in bellu gosu
e canto, e canto, e rio gai ' e gustu:

e mi trattenin ' a chena e a bustu
finzaa chi mindhe ischhido saziadu.
Abbelzo t'oju:m'agato colcadu,

cun sa mente istracca e peregrina,
comente unu pische in sa pischina
guazzendhe, in chilca e cos'areste,

0e, poberu melecco cos'este,

(1) Su pistighinzu.

— A UNA BELLA PIZZINNA -

Ite bella pizzina ch'apo idu,
ite pilos de oro chl giughiat,
ite sorrisu bellu li lughiat,
ite laras offertas a cumbidu..

Bella, puru s'ancora connoschidu
non mi hasa, cuanzedí chi ti ammire
in s'ojada divina, in su estire
chi m'han'ammaliadu su sentidu.

Lughes comente lughet s'aurora
in sos manzanos de sa primavera,
che Dea eternada in sa pittura.

Candh'ogn'istella morit n s'aera,
tue ti'ischidas pius bella ancora:
immagine divina e sa natura.

-S'AVARU-

Ogni olta chi passo, in su jannile
lu io indispettidu e annuzzadu.
Parit chi l'apen in s'ora furadu
de oro rara moda unu monile

A chizos bascios gai, in su coile
bannidu lestru si faghet cuadu,
cun su fusile sempre ispianadu,
suspettat tottu che cane in canile.

S'affacciat cua, cua, intreu, intreu,
che bezza filonzana curiosa,
sezzida in banchittu a fus'in manu.

Parit ohi siat nendhe: tottu est meu
innoghe; cantu s'iet, ogni cosa
est mia e non la tocches su fulanu.

Piango e rido