MANZANU

Cando su notte zedit pianu pianu
a sa lughe chi arrivit dae s'oriente
mi piaghet osservare attentamente
comente sas istellas manu manu

diventan minudeddas che unu ranu
prima 'e ecclissaresi cumpletamente
e intantu tott'in giru 'ider comente
ogni vida saludat su manzanu.

S'isettu meu a pagu a pagu s'appuntat
a inue pius s'orizzonte est luminosu
e inie a su sole in s'attimu chi ispuntat.

Sigo poi custu chi pigat in chelu
diventende isse sempre pius radiosu
e in sos ojos naschendemi unu velu.

Franco Manca
nato a Osilo il 14.11.1937
residente in via Angioi
12 - 07033 Osilo (SS)
Tel. 079/42352