LITTERA A TERSICORE E AD ERATTU.,

O ninfas de s'Olimpu, ch'infriscades
e amades
cun amore sinzeru
e grande cusideru,
sos delicados e gratos fiores,
chi sun dulches profumos de amores,

cun premurasIn cussas abbas vergines e puras,
Sas piusu iscrupulosas
sas operas gelosas
coltivad'azis, rimas ammiradas,
ch'immentigan sas penas incarnadas.

Amada e rallegrante Tersicore,
chi s'amore,
cun sa dulche manera,
inzegnu e arte vera,
has in mod'impeccabile curadu
e t'hana tottu, pro custu, ammiradu,

Has a s'amore intrecciadu sas rimas,
chi tue istimas
cun sinzeros affettos,
e fervores e dilettos,
e las cuntemplas fidelese dognora
u han apid'origine e dimora,

Erattu, cun sas liricassignoriles, gentiles,
ch'incantana e attirana,
soavidade ispirana
e cunfortu nos dana; est'armonia
de sa vida, e cancellat s'angostia.

Virtude chi ti naschet dae coro
e t'adoro,
Erattu, sa pius bella
e sorridente istella
de su Parnasu, e rosas coronada,
musa ch'a tottu in s' anima ses nada.

Rezide custu donu,
pindicas musas dae tottu ama,
si non esserat bonu,
bos bastet chi non sezis trascuradas.


Pro su primu fizu nadu mortu

Discussos happo fattu
amabíle fiore,
de t'idere in su mundu fortunadu,
ma chene fagher pattu
cun s' amadu Signore
pro garantire cant'hapo isperadu,
Invece sos affettos
in sos vanos progettos
hana solu sas ancoras bettadu
e gasi nde restei
in ndomo solu ch'a Cristos ti dei.

Lassadu m'has'in pena
cun s ' unica isperanzia
de mantenner'in coro sa memoria,
Cun sa mente serena
e sinzera costanzía
de rinnovare s'abbrazzu in sa gloria,
Mi prego vida e vena,
Omerica bundanzia ' s
pro nde descrier sa cumpleta istoría
e lassare vivente,
in armonia, passadu e presente,


Lampada e i sa tumba

Una lughe piedosa
chi mi attis s'agonia,
post'hap'in sa tumba mia
pro sullievu 'e sa morta,
chi non est mai risorta, cara isposa.

Isetto cun calore,
cumpagna 'e tantos annos,
chi sos duros affannos,
in sos cales so ruttu,
mi crescana su fruttu-'e s'amore.

O tremulante lughe,
chi m'impones tristura,
lampad"e sepoltura,
de pallidu ciarore,
chi m ' índicas dolore,
affannu, iscurigore-cun sa rughe

Passat calma sa zente,
cuntemplende, serena
sa lughe, chi dhat pena,
pallidu s'isplendore,
ma riazendet ' s' amore cummovente.

Marmaros, sos rifressos
nde rezides piedosos,
ma tantu generosos,
de sa lampada trista,
tremulante a sa vista-che cipressos.

Sunu lagrimas ardentes
sas chi verso mirende
sa lughe, e ripensendein sos nostros affettos,
in sos sanos prezettos-deferentes.

armaru chi m'ammentas
sas nottes tenebrosas,
maneras generosas,
umbras de sos affannos,
sas ch'abbrevian sos annos,-penas lentas.


Rughe e lampada puras
su coro rattristades,
s'avvenire oscurades
istrunchende sa vida
a s'anima ferida-chene curas.