Lambrigas de mele

Istinchiddas de memoria
che lambrigas de mele
miscendesi a su ranzigu 'e sa morte
iscaldin su coro a su 'etzu.

Ingranind'est su trìgu in scaldatone
ma no est tempus ancora 'e messare.

In dies de traschia si paret

truvend'erveghes
ancora pastore

peri saltos e baddes
o boghende pedra a mina
in cavas de trachite
o bòes ghiende
aggiobados

laòrende in terra mala.

Isolvet sos annos
su carignu malesigu 'e su tempus.

Ei como istraccas e inchietas sas manos
chircan sas mias
bramosas
e ranziga li falat una lambria.
Tando cumprendet s'antigu pastore
ch 'est arrivida s'ora 'e s'avviare
peri prados biaittos
in duna tramudantzia chena tempus.

Ispalta in mesu chelu
lu saludat sa luna caritunda.

ANTONEDDUBAZZU nàschidu in lattati da die 26 de Triulas de su 1947
Vivente in carrela E. Crovetti
2 07100 TATTARI TF 333 9257804 -079 398442