La me' notti


In chistu anninnià
mutu e custanti
chi d'umbri e sonnii
laca lu saori
m'aggj'a cilcà un locu
a accucciuammi.
S'è la me'notti
un rancicu trimori
mi middi frini
e li cuidati sdrisgini
la trama
infilzata a filu fini
illu me' traciu
mill'aggj'a risalvà

sola
un'agnata
undi l'anneu s'infitti
a carignammi.
E chistu cantu dulci
chi m'accumpagna
dilicu

ill'andà
di li me 'passi sculzi

inn'azzi e bicchi

indrentu più mi feri
come lama
lachendi a lu sintitu
solu pientu
e un cuatoggju buggju
silinziosu.
Ed eu in chissu cuciu...
...chi m'aggj'a affagnà
a li spiranzi e a l'ori
chena tempu
a li dissigni 'ani
incantatori

a chissi fili debbili

riflessi

chi come codiluci
dani un signu
a l'umbri fittiani
illa me' notti.


Gianfranco Garrucdu
nato a Tempio il 20/09/52
Via Lentini n°3 Tempio
Tel. 079-670173