ISCRAMORE


Custu note
an brujadu sa bellesa
e recuidu sos sonos
a sa mandra de s'olvidu.

Professones de cantones
in cadena...

In su ludu an tirpiadu
mamiddas de memoria.

E graes sos intinnos
a s'imbesse an truvadu
in carrelas de drinnidas connotas.

Turunzos e iscramore...

Betan pore gamas de ribelvias
a tzarra fariada
e agaban in su ballu
cannidos sulitos chen'alenu.

Mutzadu an sas limbas a sas benas
e cannas sonadoras
trocheddan iscrobadas.

Teju artu e fiamas de rajolu
tocu 'e lutu.

A sufidas de dolu
tumbos muilan
e tunchian milli trimpanos.

Airados an mortu sas ghiterras
e isortas sas cordas aturradas
in terra si trufizan
irruiadas che coas
a frastimos de brunzu.

A sa nea
cun s'anima triulada
dae su sonniu ammuntadore
no isco pro cantu
ispozada terra mea
agonia de dodas
coro fertu
as a esser
de nodas galania
e bolos...
...De frades a cussertu.


Antonimaria Pala. Torpè 26-05-1960 Via Vitt. Em. 1
08020 Torpè tel. 0784 829428-3395852515