FIT NOTTE E PARIAT ADDEDIE

Dormiat sa 'idda in sa notte iscura
chene luna; dormiat sa zente in
lettos de linna fìoridos cun lizos
rosas e fiores
dormiana che
canes
'ardende s'isterzu in su cuile
cun d'un oju abbertu e unu
tancadu. Posca
de improvvisu
s'assucconu: beniana ischidados
dae sos toccos lentos de sa campana de siallarme; dae sas domos

tando
cumintzaiat su fui-fui a logos reparados
attesu dae sa 'idda.
Su sonu tristu
a marteddu
sonadu dae sa 'vedetta' chi fit in su
campanile
poniat in movimentu sos riflettores mannos
chi
affittaiana s'aera niedda cun lughidos lampizos
che lamas de
attarzu
chilchende in su buju proftindu sos bersaglios.
Sa zente fuiat a sa tzega in mesu a s'iscurigore de sa notte
azuada
appenas dae sas lughes frittas de sos riflettores in contìnu
movimentu
isperrende a fittas sos chelos.
Su rumore surdu de sos aeroplanos inimigos
lu connoschiana dae
attesu finas sas creaduras
faghiat tremere su coro e sa terra sutta
pes
e poniat in motu: sa timoria
sa pregadoria e su piantu.
Sos aereos bolaiana chene lughes
a sa tzega
in su nieddore pius
fittu
meda pius in altu de sos lampizos chi pigaiana dae terra;
bolaiana in tundu
semenende su chelu de lughes mannas
chi
istaiana firmas in s'aera
lughende che lantiones
appiccadas a
paraccheddos de seda
illuminaiana sa terra e sa 'ida
che sole in
die bella.
Nemos nd'aiat bidu de cussas lughes
mancu sos antzianos chi aiana
fattu sa gherra europea; sos lughidos bengalas
asi si naraiana
fini
bellos de 'idere
ma 'ettaiana terrore tudende sa tughe de sas
istellas; sa zente
fuiàt a sutta sas frundas de sos orzastros; pro no
los illuminare cussos astros faltzos.
Sos aereos
si che fini andados
lassende su logu illuminadu a sos
atteros in arrivu
garrigos de bombas e siluros. Bolaiana meda pius
in altu de sas lampanas
e
sos riflettores
los chilcaiana in mesu a
sos isteddos.
Cumintzeini sos isparos de sas batterias tedescas
appostadas
daenanti a sa diga de su lagu Omodeo
e de sos cannones italianos

parados in d'unu montiju de fiancu a sa diga ettotu
bombittaiana
proiettiles
fattende una muraglia de fogu; sos bombardieris

giraiana in tundu subra sa 'idda e
a unu a unu
falaiana in bassu pro
passare sutta su fogu de s'artiglierìa
ma
igue puru
agattaiana sas
lughes de sos riflettores e sos proiettiles 'venti miltimetri' de sas
mitraglias
chi los faghiat 'oltare a mala gana.

Sos lughidos bengalas
manu-manu chi si consumaiana
falaiana a
terra istudados
diventende 'bottino' de gherra de sos pitzinnos;
sos aereos inimigos torraiana daesegus. Un atteru perigulu
passadu
naraiana
isettende su sonu de sa campana
pro torrare a sas
domos.
S'incamineit
sa zente
a sa 'idda bòida
ma
non bi fit ancora
arrivida
chi soneit de nou s'allarme
e in su matassi momentu:
cannones e mitraglias cumintzeini torrat a ruspiare fogo
sighende
sas lughes de sos riflettores
in su buju pius fittu de sa notte.
Sa folla
istracca e sonnida
in sa cunfusione pius manna
fuiat de
nou
timerosa
guidada dae sos lampizos frittos.
Mamas cun creaduras sonnidas a pala
imboligadas de mantas e
manteddos
torraiana sutta sas fozidas piantas
e
inie
sètzidas in
terra
appaghiaiana sos fizos isprammados de piantu.
Sa sigunda undada de sos aereos
cussa notte puru est istada firmada
in tempus
primu de lòmpere a sa diga: s'issoro obiettivu fit cussu

e dogni die
addedie e addenotte
tentaiana de che la 'ettare e si bi
fini resessidos aiana fattu dannu mannu in su campidanu oristanesu

ca s'unda poderosa de sas abbas isbrigliadas
ch'aiana tragadu a
mare: zente
domos e animales e cosas; aiat lassadu totta sa
Sardigna
in s'iscuru pius profundu; sa diga fit meda importante
pro sos inimigos
ma
pius ancora lu fit pro sos sardos.
Sa 'idda
fit comente chi fessit in prima linia de cumbattimentu
pro
sa postura chi aiat
a doighi chilomitros dae s'isbarramentu; fit
s'unicu passazu pius affacca pro sos aeroplanos chi arriviana
isbucchendende dae sos montes de Santa Caderina.
Tottu sos cumbattimentos tra sos caccias nostros e sos issoro
e
sas battaglias tra bombardieris e contraerea
beniana fattas subra su
chelu de sa 'idda; fini cosas de dogni die pro sos abitantes chi
viviana cun sa timoria continua deessere annientados dae sos
bombardamentos; custu fattu apparteniat a sa normalidade de dogni
die.