FIORES

Fiores
ch'in s'avrescher'e beranu
ammir'e piùs ammiro cun mente;
sos colores carigno dulchemente
in neuosa lughe de manzanu

Lentore ch'ammuntat su pianu;
ispij'e sole s'accherat serente

'luminat cun giaru raju ardente
Fiores chi parfen pìntos a manu.

Birde
grogu ruju
misciu colore
in s'isterrida de padros amenos
tot'immerghidos in abru olore.

Cun sensos sadisfatos e pienos

ammir'in estasi dogni fiore
s'eppuru han-a esser totu fenos.



Giuseppe Chiconi
Cossoine 23-08-1931
res. Sassari v. Luigi Barzini n° 11
teL. 079/291844