Sa moda'e a'amore

Amore est cuddu raru sentimentu ;
in coro tenner caru lu tevìmmus
po chi est su tesoro cumprennimus
chi mai diminuit de valore

est sentimentu raru cudd'amore:
in coro lu tevimus tenner caru
amore est cuddu sentimentu raru
chi cumprennimus chi est su tesoro
che lu tevimus tenner caru in coro:
sied'in domo
o logos de fora:
s'amore
a su male
d'ogni ora
cumbatit:paladinu che diventat.

Amore
chi dilìriu rasentat
si had'a su Signòre soberanu
in tantos
in su tempusu luntanu:
po su martiriu
oe sunu santos

in su luntanu tempusu
in tantos
oe sun santoS; e po su martiriu
chi s 'amore rasentat su dilìriu
a Deus
medas tenen de contìnu.

S'amore
a su male d'ogni ora
cumbatit:che diventat paladinu.

Si brusiat s'irdùra 'e su terrinu
sa natura pianghet po dolore
ma non si franghet su chi l'had'amore;
accudit po istudare;no indùsit

de su terrinu
s'irdura si brusiat
po dolore
sa natura pianghet
ma su chi l'had'amore non si fraghet
anzis
azudu prontu
ne li attit.

S'amore
a su male
d'ogni ora
paladinu diventad'e cumbatit.

A tantas terras
s'amore s'imbatit
discordias b'enin frantas e violeazia

torrat de sa cuncordia sa presenzia
e isparidas che b'enin sas gherras;
s'imbatit s'amore a tantas terras
violenzia e discordia b'enin frantas
s'imbatit s'amore a terras tantas
torrada sa presenzia'e sa cuncordia
b'enin frantas violenzia e discordia
sas chi tottue
si b'ien'ancora.

Paladinu diventad'e cumbatit
s'amore
a su male d'ogni ora.

Parede un dama incantadora
cudda ch'ispràghet a'amore cun brama
incantadora pared'una dama
cudda s'amore cun brama ch'ispràghede
incantadora
una dama parede:
simile
no esistit s'eguàle.

Paladinu diventad'e cumbatit
s'amore
ognòra a su male

S'amore po Beatrice fudi tale
chi Dante
fit felice "che una ia"

la estit de color'e fiamma bia
de mantu irde e de velu biancu
e issa non ne faghede a mancu
guida
de li fagher'in su Chelu

De mantu irde e de biancu velu
de fiamma bia
l'estid'in colore

po Beatrice
tale fit s'amore
chi Dante
che una "ia" fit felice
e fit tale s'amore po Beatrice
chi de la perder
no hat prus sentore.

Paladinu diventad'e cumbatit
d'ognóra
a su male
s'amore.

Però
imbèssu
non tenet valore
si sutzessu si chered'o richesa
o s'ischieret cun fama e grandesa
e de s'amore veru
si nd'astenet.
però imbessu valore non tenet
si richesa si chered'o sutzessu

però non tenet de valor'imbessu
cun fama o grandesa s'ischieret
richesa
o sutzessu si si cheret:
(e non si hat po atteru amore)



(che un ia)=che canno si fit de issa
innamoradu.

Nanni Molinero nato 6.11.33
Santulussurgiu vico sa Fughe 2
Tel.0783.550.238