Cuntra 'onzi gherra

Appo 'idu in custu mundu
meda zente
paren fotzas;
b'est chie ballat Ballu Tundu

chie si 'estit e chie s'ippotzat.
B'est chie leat tottu a giogu

e de tottu si nde riet;
chie no bugliat
che su fogu

e andat a passu 'e notte e die.
In su tempus già fuidu
semus naschidos
che fiores

ma su mundu est affriggidu;
nos abbaidat cun dolore
ca b'est chie cun conca a tostu
arruinat chelu e terra;
chena 'idere su costu
pensat solu a fagher gherra.
Diant devere pensare
chi sas lottas serrant giannas!
pro 'occhire e pro gherrare
no b'hat mai rejones mannas.
Noi naramus in cantones
chi sa gherra mai finida
faghet perder sos vagones
de su trenu de sa vida.
Pro ammentare unu mamentu
importante
che su trigu

essenziale che su 'entu
gai preziosu est unu amigu.
Nois chi 'idimus custos annos
che unu lettu
o che cadrea

pro cumbatter meda dannos
dimis aer sempre s'idea
de cantare pro sa paghe
tottu umpare in custu istiu

imponente
che nuraghe
e lestru meda
che unu riu.

Istevene 'e Chessa
Nato a Sassari il 22/07/1976
Residente a Tissi
Via Roma 58.
C.a.p. 07040
Tel. 079/388319 cell. 349/2915897