Chirca

In capu 'e custa mesa
soe unu muruddu de istiarica
su teracu 'e sa luche
provisoria

collidore de lacrimas
de chera.
Distimonzu chene cherrer
a su ballu 'e sas umbras

incanàda 'e sa framma
tremulia e mudìne
de unu pessu
cunzadu in s'aposentu.

In sa muìda 'e sa musca
chi morit a inghiriamola

in su tirriu 'e sa janna
cih s'aperit

dia cherre' solu intende
una presessia
chi no apat che a mime
capu e coa.