Carvone ruju..


S'atunzu pioanu e bentosu fit iscudinde sas urtimas iscoadas.
E Cristolu
bidiat benindeli male sos contos chi s'hait fattu.
S'haiat sinzadu in conca chi a Nadale sa chea depiat esser cum-
prida
deretta a ponner fogu. Cristolu
naschidu e paschidu in
s'arte
carvonarzu non haiat mai faddidu sos contos. Previa de
indicos che fit lòmpidu immesu costa de su Minerva
in s'oru de
Serravenosa. Nessi chentu molas de chessa 'etza
cana
da-e ue
podiat fagher cuddu carvone fentomadu.
Che unu catteddu si giughiat infattu Gantine
azigu deghann-
os e mai un'ora de iscola
che a issu etottu. Haian comintzadu
a ischimare sa linna
a medade de S.Andria. Imperò su tempus a
conca sua non benit in attertzos! E gai perdein dies medas. Si
fattein unu pinnettu de inistra
rnannu bene intessidu cun su
foghile immesu; gai podian fagher notte antzis che tuccare sem-
per a Montrest.
Cristolu truncaiat sas naes ischimadas in lunghesa pius de su
metres e-i su restu a isconcada de marrapiccu s'iscancaiat chei
sa balla
e Gantine garraiat a mattuleddos che unu dimonieddu e
assentaiat a inghiriu in sa piattedda pronta pro accaddare sa
chea. Issu si depiat balanzare su cantu 'e su chivarzu! Sa die
si fit posta in bentu de maestrale
lompiat da-e s'ala de Pogl-
ina; a falada de sole fit già notte; linna sicca e cottighina
de chessa fit appronta pro unu fogu chi depiat istentare a si
cussumire
semper fogu 'e carvonarzu! Gantine
posca una primma
drommida
ch'istuppeit fora pro unu bisonzeddu. A s'ala 'e sa
Pittada
in su chelu nettu da-e su maestrale si parìat sa luna
tunda tunda
Gantine non l'haiat bida mai de asie
l'hat ammen-
tadu sa fregura de tiu C'onteddu; un imbreagolu de 'idda
cando
s'imbreaghiat si li faghiat sa cara che-i sa feghe. Gantine
si
pessat e mutit su babbu: - O bà
sa luna est imbreaga! -

Su babbu fit pro no li risponder ma pro nde lu fagher intrare
detzidit de risponder: -Già l'hat a colare
innanti 'e ti canc-
arare; e tuppa sa gianna dimò-
Su ' entu si che fit imbortadu da-e maestrale grecale tottu in
d'una. Lompiat da-e s'ala 'e Romana
e da-e su cuccuru de Mine-
rva bolaian a basciu rispisones de onzi rese: feruledda
mattas
de isparamu e cherchizolos siccos e naes pirastrinas
tottu bo-
laiat in ria de Baddecuba. Tottu in d'una leat in lampos e tro-
nos
e abba comente naran: "a batter manos". Da-e su monte lean
a falare sos traineddos. Sa notte si fit fattende pius longa.
A mesa costa b'haiat unu crastu mannu cantu 'e una rocchitta.
Su passazu fittianu de su bestiamene a cola cola bi fatteit sa
caminera; tottu colaian a s'ala bascia e tottu accudian a cue a
si rattare. Sas abbas chie ischit da-e cando e pro cantos annos
haiat frailadu boghende sa terra da-e sutta
e ispeandela semper
de piusu.
In cussa notte de temporada chena finitìa; parìat chi su malu
fadu
fit fremmentende sa traschìa
e-i cudda luna che-i sa fe-
ghe a narrer chi
haiat giuttu abbisu malu!
Sa temporada
parìat abbacchende. Cristolu
mutit a Gantine:
-Ite naras Gantì
a ch'istuppamos- Su pisedda ammuruttuladu su-
tta sa fauna de istratzos
no ischiat ite narrer ne sisse ne
nono. In cussa mattessi iscutta
Cristolu borteit cara a s'ala
'e susu
parìat de intender istrampidos chi 'enian da-e subra

s'oriolu de ischire ite podiat essere non balìat a nudda; ne a
issu ne a Gantine b'est istadu su grabbu de lis fagher ischire
ite fit sutzessu.
Su crastu mannu ficchidu a mesu costa
si fit istaccadu
che
ghiadu da-e malafada in sa cora fatta da-e sas abbas de semper
sich'istrampiat derettu a ue allozaian sos poberittos. E como
su carvone bisadu da-e Cristolu
si fit imbortadu a ruju!


Francesco Dedola