canto

Su canto chi chelzo in pettorra est fiore de nie
est raju de lughe bianca chi istrazzat sa nue
est canto de limba e de coro chi giamat a tie

isteddos lughentes falados in nott'e lugore

est amore...
Su canto chi chelzo in pettorra est lizu 'e beranu
est frittu dolore imprentadu in fiores de bentu

in candidu mantu broccadu est sambene tentu
est nott'e turmentu
arveschida piena de piantu

un'ispantu...
Su canto chi juco
in su coro brotadas de oro
murmuttos de riu
in su coro meu s'ammentu dae nou

su tou...
Su canto che 'olat in andalas nidas fugh'e ingheladas

paraulas giamadas e dies passadas cun s'anima in bolu

in su dolu...
Su canto chi chelzo in pettorra l'ispargo che velu
in sa danza 'e s'unda chi faghet s'ispuma 'e su mare

in terra che ranu 'e ispiga pro lu semenare
in sulcos allentorigados de nuscos in fiore

in s'amore...
Su canto chi chelzo in pettorra
ventanas de lughe

bandelas ispartas a bentos in sinu a sa luna
e manos istrintas pregande
pedinde fortuna

e laras tancadas e mudas de frittu dolore

est amore...
Su canto chi juco falat in su coro brotadas de oro
murmuttos de riu
in su coro meu s'ammentu dae nou

su tou...
Su canto che 'olat in nidas lugh'e ingheladas

paraulas giamadas e dies passadas cun s'anima in bolu

in su dolu

in su dotu...