CANTU


BENTULENDE

Bentula bentula core anzenu

cantu ses bella in mesu a s'arzola.
Riende cun grascia in mesu a su fenu
a dogni asciada su coro m'imbolas.

Biadu a su 'entu chi t'est tochende

intro 'e su 'estire ti faghet carignos

tota sa carre t'est connoschende
e t'est basende sos ojos tuos dignos.

Bentulende bentulende
mi che so' innamorende:
tue gioghende e cantende

deo mazende e suspirende.

Bentula bentula fiore de rosa.
Como tue giughes respiru 'e su 'entu
e sos colores de cara de isposa.
Biadu a maridu chi faghes cuntentu.

Ascias e falas sa corvula 'e canna
e risitende remunes su ranu.
Deo de afianzos ti tia fagher manna
sempre amendedi in ierru e in beranu.

Bentulende bentulende
mi che so innamorende:
tue gioghende e cantende

deo mazende e suspirende.

Bentula bentula
a s'ojada mia
as (a) furriadu sa cara suerada
e como chi l'ischis chi ti cherìa
serras sos ojos a s'abbaidada

Como su 'entu si ch'est falende
e sas pitzinnas si che sun andadas.
Tue che Diana in s'arzola aisetende
a mi preguntare de cussas ojadas...

Bentulende bentulende
mi che so' innamorende:
tue gioghende e cantende

deo mazende e suspirende.

Mario Nurchis
NAPOLI 25-7-1942
(GENITORI SARDI)
S.S.291 12/A
07100 sASSARI
TEL. 079269344