PER LA PARTECIPAZIONE AL III° PREMIO DI POESIA DIALETTALE

" CITTA' DI OZIERI " 1958 =
U N U DISIZU

I
Tres sun sas cosas chi, pro parrer meu,
tia cherrer, però in summu gradu.
Apendelas podia senza neu
narrer: so veramente fortunadu.

Si las tenia, comente hapo nadu,
contaia in sa vida omin'intreu,
ca da issas est sempre derivadu
dà cando mundu est mundu ogni recreu.

Non sun siendas ne benes mundanos
sos chi bram'eo, ne grados perunos,
ma donos chi natura sola dada.

Tres peraulas solu, tres arcanos,
poden esprirner fin'a sos deunos,
s'immensa forza in issas inserrada.

II
Deo cheria, pro su bene 'e tottu,
unu sapientissimu CHERVEDDU:
-ca chi partin dà issu est riconnottu
sas operas de manu e de faeddu-.

E unu CORO mannu che casteddu,
de generosu e sensibile mottu,
chi cun su primmu formerat aneddu
benefichende s'umanu fiottu.

Poi, cherio ancora sa COSTANZIA
de sighire s'onesta e giusta via,
c'hat in sa vida suprema importanzia-,

cantas utiles cosas produia!
E-i sa degradada fratellanzia
a incantos d'amore la giughia.

MOTTO: " S'odiu in sas vilesas nos opprimit,
s'amore nos elevat e redimit."

PER LA PARTECIPAZIONE AL III° PREMIO DI POESIA DIALETTALE
= "CITTA' DI OZIERI" 1958 =

FRUTTOS DE GHERRA

Muzere mia morzeit in s'ora
c'hat dad'a lughe su terzu mascittu:
ite partu tremendu, malaittu,
chi dà'su mundu che l'hat posta fora!

Mi rassignei:e cun su coro afflittu
los allevei;ma nde tremo ancora,
prite traighinei che colora
pro no mi morrer de famine e frittu.

Bennidos mannos, fini sa coluna,
ghesraram v,ana,a'msparu meu
m'hat brivu de cuss'ultima fortuna...

E deo sigo a viver cun mattana....
senza mancu incontrare 'oghe peruna
chi m'iscat narrer prite fatta l'han.

MOTTO: " S'odiu in sas vilesas nos opprimit,
s'amore non elevat e redimit."

PER LA PARTECIPAZIONE AL III° PREMIO DI POESIA DIALETTALE

= "CITTA' di OZIERI " 1958 .

DECALOGU DE S'OSPITALIDADE
(A su Pobulu Sardu)

1° - BRAMA s'istranzu, o sardu, si disizas
progressu in sas nadìas terras caras;

2° - REZI s'istranzu cun su risu in laras
e cun sensados faeddos gentiles;

3° -ALLOZALU s'istranzu:de ziviles
modos dàs signu si lu contivizas;

4° - ISTIMALU s'istranzu:hael'in contu,
comente tenes contu unu tesoro;

5° -AGGIUALU s'istranzu a bonu coro,
chirca 'e l'appagare ogni pidinu;

6° - CUNFORTALU s'istranzu si destinu
ingratu l'hat battidu a mal'affrontu;

7° - DIFENDELU s'istranzu a dogni costu,
ca t'est sacru si l'has in domo tua;

8°- CUMPATILU s'istranzu, e tene in cua
calchi peccadu 'e indelicadesa;

9° - ONORALU s'istranzu cun franchesa
e collocalu sempre in dignu postu;

10° AMA s'istranzu cun fide gagliarda,
pro bene tou e de s'Isula Sarda.

MOTTO : "S'ofiu in sas vilesas nos opprimit,
s'amore nos elevat e redimit."