U SU' DA CUMPRENSCIUN

Cu in vesc-tì legiu
cumme prunta all 'amù
sercu 'na néutte sc-peciòle
pe sc-tò vixin a ti

a ripurtòte l'illuziùn
de ogni fatiga cunsumò.
'Ntu sé
u pan codu da lun-a pin-a
u l'ha l'incantu induau
pe i dexidei
che sun pe avegnì;
Cante u sé
cumme cante u cheu
cunfessandu prumisse.
E tutte i ue da néutte
han battiti deperdun
de cheu innamuè
e frecce de sc-peranse
'nscè releui
che curan troppu de sc-prescia.
'Nte l'orba de lète
unde i sc-telle
sun sc-tete 'ntu me lettu

nu possu che asc-peitò u su'
...u su' da cumprenscìùn
cu porte all'ingressu
da trasc-parensa di dexidei;
preputenti 'ntu se-passo via ràgge
abili de desc-trugge 'notra votta.
E poi a néutte
...ancun
'ntu linguaggiu cu nu l'ha paule
cumme in vagni e vegni
de unde lentiscime
de limpida serenitè.