TRIULAS

A triulas su settimu trofeu,
su mese pius caldu de s'istiu
regoglit su massagiu a bi ' a, biu,
sas ' ispigas de su laor'intreu.

chigula, cucch'e tonc ' a reu,
cantan sa menzus cantone cun briu,
funtanedda, trainu, pogi ' e riu,
perden s'issoro natural'impreu;

Ma pro sos bezzos è su mele sou
su caldu forza lis dad ' e vigore
e faghet ponner passitos de nou

cun su san'autenticu calore,
sas piantas, sos fruttos dana proa
battin'a cumprimentu ogni fiore.

IL POETA
FRIZZI


CRITERIU

Festinu de sa poesia Sarda
ogn'annu, organizzen e si fattada,
ch'a dare vid'e vigore si trattada,
pro chi no ruat misera guvarda;

Senz'istare isettend'a ora tarda,
a unu giustu livellu si attada,
pulid'ognun'e prezzisa l'agattada,
si si rinnoat perfett'e gagliarda.

Sa poesi'educat et diletat,
zivilizzat, istruit, nobilitat
in ogni coro nobile si cotat,

sanos cussizzos et ogn'unu dettada,
tottu sos mesos vitalos inzitad,
su menzus modu chi viver si potada.

FRIZZI


IN SA FUNTANA "GRISONI"

Non da nie, astrau, nè moddina,
nè mufforeddu de die mezzana,
nè da butios de abba pioana,
nè da istagnu, paul ' o pischina;

Ma de purissim'abba cristallina,
sorgente frisch ' e perenne, funtana
aa zent'asciutta, sidida cun gana
sinde faghent, tott'or'una entrina...

Eo ti beneigo, riccu vena
de ses bundantes, cabigios padrona
de sa provvidenzia mam'una

de s'allmentu nobile, piena
t'han fatt'art'e natura, bell'e bona
sutta ragios de sol 'istell'e luna,


S'ABBA

S'abba non faghet solu piaghere,
a istrumpos bidendela falare,
podet totta sa terra ristorare,
irrichir ' in campagn'ogni podere.

Su sidis cazzat'a mie attere,
bon'est pro ier ' e, pro impitare,
campat tottu sos pisches de su mare
e curat males de non poder crere.

Tottu l'apprezzant, est de preferire,
in'ogni banca d'umile e signore,
pro sinde saziar'efle e servire,

dai su pius mann'a su minore,
sabb'alimentat e dè provvtdire,
armentos, prantas, pastura, laore

et ogn'esser in mund'abitadore.

POETA
PRIZZI