TRINTASETTE RETROGADU
FIORIOU IN TRINETTA E TENTU A MAGLIA

-In risposta a un' amigu-

Mi ponzo dae nou abellu abellu
a ti torrare una risposta in rima

ca tue
amigu caru
nd'has dirittu.

No isco si nde ses ancora appittu

m'arrisco a mover pes' a faru mortu

ca d'arrivare in portu est como s'ora:
no isco si nde ses' appittu ancora

m'arrisco a faru mortu a mover pese

no isco ancora s'appittu nde sese

a faru mortu a mover pes m'arrisco

s'appittu ancora nde sias no isco

m'arrisco a mover pes' a mortu faru.

Mi ponzo dae nou abellu abellu
a ti torrare una risposta in rima

ca tue nd'has dirittu
amigu caru.

S'olia est de sa paghe signu giaru

pignu antigu
sabidorìa umana

funtana 'e bonu sensu
'e vida umbraghe:
s'olia signu giaru est de sa paghe

sabidorìa umana
antigu pignu

s'olia est de sa paghe giaru signu

pignu antigu
umana sabidorìa

signu giaru de sa paghe est s'olia

sabidorìa umana
pignu antigu.

Mi ponzo dae nou abellu abellu
a ti torrare una risposta in rima

ca tue nd'has dirittu
caru amigu.

Si s'aera velada s'est azigu

est lièra torrada nue sena

serena in zona nostra in noa veste:
si s'aera velada azigu s'este

est sena nue lièra torrada

si s'est azigu s'aera velada

est sena nue torrada lièra

si s'est azigu velada s'aera

est lièra torrada sena nue.

Mi ponzo dae nou abellu abellu
a ti torrare una risposta in rima

ca nd'has dirittu
caru amigu
tue.

Zeuna 'e prellas sa terra est totue

luna e istellas che prima sun mancu

ca faghet bancu in cus' adde 'ogni gherra:
zeuna 'e prellas totue est sa terra

che prima mancu sun' luna e istellas

sa terra est totue zeuna 'e prellas

mancu che prima istellas sun' e luna

sa terra est totue 'e prellas zeuna

mancu luna e istellas sun' che prima.

Mi ponzo dae nou abellu abellu

ca tue
amigu caru
nd'has dirittu

a ti torrare una risposta in rima.

Mancat s'affettu
s'amore
s'istima

rispettu cun onore sosta han fattu

s'ornine
ingratu
a Deus s'oju tancat:
s'affettu
s'amore
s'istima mancat

sosta han fattu rispettu cun onore

mancat s'affettu
s'istima
s'amore

sosta han fattu onore cun rispettu

mancat s'istima
s'amore
s'affettu

rispettu cun onore han fattu sosta.

Mi ponzo dae nou abellu abellu

ca tue
amigu caru
nd'has dirittu

a ti torrare in rima una risposta.

Deo cheria sa zente disposta

cernente 'e una 'ia
a dare azudu
a chi' est nudu
ma dudosu arreo:
disposta la cheria sa zente 'eo
a dare azudu
comente 'e una 'ia

deo sa zente disposta cheria
a dare azudu una 'ia comente

deo cheria disposta sa zente

comente 'e una 'ia azudu a dare.

Mi ponzo dae nou abellu abellu

ca tue
amigu caru
nd'has dirittu

una risposta in rima a ti torrare.

Vanu non siat su meu pregare

diat recreu bellu a donzi umìle

e diventet gentile 'ogni tirànu:
Non siat su pregare meu vanu

recreu a donzi umile bellu diat

su pregare meu
vanu non siat

diat bellu a s'umìle 'onzi recreu

vanu non siat su pregare meu

recreu a donzi umile diat bellu.

Ca tue
amigu cani
nd'has dirittu

a ti torrare una risposta in rima

mi ponzo dae nou abellu abellu.

Bonu meledu tenzat su ribellu

ottenzat su perdonu e prou fettat

che cand'isettat sa marna su fedu:
bonu tenzat su ribellu meledu

prou fettat e ottenzat perdonu

meledu su ribellu tenzat bonu

prou fettat e su pedonu ottenzat

bonu meledu su ribellu tenzat

ottenzat su perdonu e fettat prou.

Ca tue
amigu caru
nd'has dirittu

a ti torrare una risposta in rima

mi ponzo abellu abellu dae nou.

Cumprendo giaru su penseri tou

volonteri disponzo e rendo onore
a su cantore tzegu cun su laru:
cumprendo su penseri tou giaru

disponzo e volonteri onore rendo

su penseri tou giaru cumprendo

disponzo e rendo onore volonteri

cumprendo giaru su tou penseri

rendo onore e volonteri disponzo.

Ca tue
amigu caru
nd'has dirittu

a ti torrare una risposta in rima

abellu abellu da' nou mi ponzo.

Deo de vena galu nde bisonzo

lena est sa 'oghe e malu su cuncettu

sempre in s'isettu 'e bi nd'azungher seo:
galu de vena nde bisonzo deo

lena est sa 'oghe e su cuncettu malu

de vena nde bisonzo deo galu

su cuncettu est malu e sa 'oghe lena

deo già nde bisonzo galu 'e vena

su cuncettu est malu e lena sa 'oghe:
prò m'iscultare non frimmes inoghe.