TORRADICHE RUSUGNOLU

Cando cantas amenu rueignolu
Pinan sas'aes si mudan de festa.
Da e su campu nud'a sa foresta
Sa oghe tua iaparghet consolu.

Podet mai su ruzzu beffajolu
Imitare sa mezzus armonia
Ne issu nè niunu nun'ebbia
Birtudes chi possedis tue solu.

Ite faghes però in Campidanu
Sutta-e sos astraos feri feri,
Dae e torradich'a Otieri
E canta ch'inie est sempr'eranu.

Da inoghe a Oria parada
Mi paret de intender sa chiterra
Mancari siat oe suttaderra
Peppineddu e Sini sa biada.

Issu sa prima olta l'hat sonada
Subra sa gara in atera idda
U'é Peppe Melone de Irchidda
At post'in giae sa prima cantada

Si andas'a inie rend'omaggiu
A Mimmia Farina e
Famosos cantadores chi cun briu
Haian che atie bogh'e traggiu,

Saluda in sa matessi dimora
A Molinu e a Peppe Bobore
E lis naras ch'in tottu Logudoro
Sa oghéissoro n'intendet ancora.

Bae, però e est'in logos tuos
Ses Chi Cheres cantar,armoniosa
Una oghe da in rosa in rosa
Non che inogh'in mesu e ruos.

Bae rusignolu e torradiche
Inio non b'hat ne giobos ne biscu
E si cheres campare san'e friscu
Su nid'in Cantareddu faghediche.


ZEGU E GHERRA

Sas penas chi su coro m'addoloran
Paren frizzas infustas'in velenu
Chi sa vida consumu mi divoran

Senz'ojos so restad'e pag'alenu
Potto torrare narrer ch'in sa vida
Non b' ido nè meu nè anzenu.

Sa gherra e i sa sorte infida
De su sole mi negan sa lumera
E i s'umbra si mustrat accanida

Non b'id'eo nè terra nè aera
Solu s'iscuru mi girad'in tundu
Che nue chi adescat sa bufera

E aite restar'in custu mundu
Si sa sorte infida non mi dada
Si non penas e iscuru prufundu ?

Dae cando sa lughe m'est mancada
Eo non bido, non isco, no ando,
Non potto pius dar'una mirada.

Signore... Una grascia bos dimando
Sa morte pro me... Sa morte ebbia
E chi siat impresse raccumando.

Su campare pro me est agonia
E su solu pensare mest penosu
Chi giovan'in su mundu zegu sia.

Diad'esser pro me s'unicu gosu
Si cantu prestu agatare dia
In brazzos de sa morte su reposu.

Zessare diat ogni tribulia
Pro chie cun amore faghet tantu
A supportare s'isventura mia

Vida, vida pro me oscuru mantu
Piango ma non potto mancu dare
Dolorosu isfog'a su piantu.

Non giutt'ojos . . . Non potto lagrimare !


SONNOS VANOS

Sos sonnos sunu tottu vanidades
E ravinos pro zertos chi bi crene.
Podes tuo corcare mal'e bene
E ideas su c'ainst'in pensanentu
O su chi non as b'id'e mai tentu
tottu sas edades.

Ides' in sonnus mill'istranidades
Chi ti faghen su cor'istremuntire,
manos armadas chi cheren'occhire
O pescias malas sedente sos pese
e cando paret chi ruttu sese
T'ischidas'e.... Sun tottu vanidades.

Istranas sunu puru sas ricchesas
Chi ti giogan'in manu vanamente,
A boltas pares tue possidente
De terras'e siendas infinidas
E cand'a ora sua t'ischidas
Si fin poveru poveru ti pesas.

Tottu si podet b'ider'e toccare
E discurrer cun zente mai ida,
Ider sos mortos chi torran'a bida
e-i sos bios chi morin'in s'ora
E s'ateras cosas b'ider'ancora
C'a boltas non ti lassan reposare.

Non crettas nè in sonnos nè a chie
Ti narat ch'est de sonnos indovinu.
Pro d'ogn'unu e nois su destinu
Deus l'hat dinpostu e niunu
ne majarzu nè omine perunu
Podet narrer su chi toccad'atie.