= SU PUDDITTU =

Non bolas, non b'hat afficcu
de ti pesare in s'aera!
Est una vana chimera
sa chi giughes in pinniccu.

Dadi paghe a su turmentu,
bista cun s'ala serrada:
Ca natura s'est mustrada
tropp'ingrata in naschimentu.

Pro chi sias vanitosu
tra sos abiles non sese:
T'illudes cando ti crèse
fagher bolu poderosu.

Medas boltas has proadu
a bolare che pusone:
ma fit solu illusione
basciu- basciu ses restadu.

T'arrabatas, ti peleas,
ti pones in oriolos,
m'a leare largos bolos
sunu sonnos, sun bideas.

Ciu - ciu sun cantende
sos puzones in s'altura,
mentres tue in sa basciura
terra - terra ses bolende.

Bolu zertu non nde agattas
chi presumas, chi ti 'artes:
" alas muzas e pesantes
a bolare non sun fattas "

Ansicora


Se l'aurora arderà
sui tuoi graniti,
tu lo dovrai Sardegna
ai nuovi figli
S. Satta


PRO TE SARDIGNA

Fora est sonada! Current fizos tuos
cun sa lampana azzesa, e sun dezisos
de giompere a sa chima 'e su destinu
cun su saccu pesante 'e su passadu:

Duru passadu de sos mannos nostros
garrigu de dolore e de piantu
de martiriu e de pena, c'had'abertu
sulcos profundos in su coro sardu.

Ma sa tempera forte 'e sos zigantes,
o'han pesadu a s'aera sos nuraghes,
vivet ancora, e giughet in sas venas
su sanben de s'antiga razza sarda.

Current cun lughe in fronte, e han'in coro
s'amore pro sa terra, e i s' ispera
chi s'avveret pro te, Sardigna amada
su desizu, su sonnu 'e Bustianu.

Est' aspru su caminu, e seminadu
da acutas ispinas, e infustu
de lagrimas amaras e suspiros
c'han versadu 'e continu sos eroes:

Cuddos sardos eroes c'han gherradu
cun su brazzu, cun s'arma e cun sa
in d'ogni campu 'e su progressu umanu,
pro ch'enzerat cust'ora pius presta.

Ed'est bennida s'ora! E già s'intenden
sos sos de s'arte e de s'ischire
pesados a s'aera, in signale
de eu sardu caminu luminosu:

E s'aberit sa terra cun amore
dende tottu sos fruttos e sabores
chi segretos teniat inserrados
in s'intimu e profundu sinu sou;

E s'alzan a sos chelos sas fumadas
de modernas sonantes officinas;
e current in sos mares sos vapores
cun sa bandela 'e su progressu sardu.

Est custa s'ora! Custu est su momentu
de toccare sa ohima 'e su destinu!
Sun cun issos sos fortea, sos mazores,
sos mannos nostros cun s'alenu insoro.

Ansicora.