S'ESTRU E SA POESIA


It'est sa poesia? est melodia
de unu cantigu e amore
est un'abbrazzu chi dòa su minore

est s'ultimu saludu a mama mia.

I'est sa poesia? est su lentore
chi sento in pes a s'aurora
chi mi goso semper a sa bon' ora
cà non mi faghet dannu ne timore.

It'est sa poesia? est una rosa
delicada
posta in unu vasu
pagada solamente cun su asu
de una bella noitola isposa.


It'est sa poesia? est ardimentu
e s'omine chi tenet pro sa paghe
cà dada siguresa e la faghe(t)
e ndat pro totta vida nutrimentu

It'est sa poesia? sa fantasia
chi hat e chi bi ponet su pintore
in su quadru pUenu e colore
e in s'abbaidada s'armonia.

It'est sa poesia? est su lamentu
e cane intesu in lontananza
in nottes iscurosas pro mancanza
de s'affettu c'has in pensamentu.

It'est sa poesia? est custa vida
donada in attu e amore
e benniida a sa lughe cun dolore
pro lassare in su mundu s'imprimida.

It'est sa poesia? est tottu poesia;
onz'essere vivente in sa natura
siat cuntentu o siat in tristura:
est puru s'estru fattu a moda mia.