- PIANTU DE UNU PECCADORE -

AHI CANTU 'E TE DEO SO INDIGNU,
O GESUS SANTU,
O MEU REDENTORE:

INVECE TUE SES TANTU BENIGNU
CHI PRO ME HAS PIANTU
E PRO ME HAS SUFFRIDU OGNI DOLORE

E SES MORTU PRO ME
DIVINISSIMU RE
DEUS ETERNU E MEU CRIADORE

E SES MORTU IN SA RUGHE
PRO DARE VIDA E LUGHE
A MIE , ISCELLERADU PECCADORE

CANTU BENE MI-HAS FATTU
E DEO, CORO INGRATTU,
NEGO A TIE GLORIA E ONORE ;

PERDONAMI, O SIGNORE:
E NO M'ABBANDHONARE;
CA SO DEBILE VILE fi TRAIDORE
DE ME NON TI FIDARE:

DAMI FIDE E AMORE
PRO TI AMARE
CUN ZELU, CARIDADE E CUN FERVORE

O MEU SALVADORE:
PIEDADE
IMPLORO DA-E TE CUN UMILTADE

PIEDADEI PIEDADE PIEDADE 1

MAGIUSA (pseudonimu )


-OFFERTA MATTUTINA

AllETTA, BABBU SANTU DE AMORE -
DEUS ETERNU, BONU, ONNIPOTENTE -
SU TRIBAGLIU CHI FATTO IN CUSTA DIE.

PATIMENTOS, FADIGAS E SUORE,
AFFANNOS DE SU CORO E DE SA MENTE
INTENDHO UMILMENTE OFFRIRE A TIE

E SI PROMMISSU MI HAS CALCHI DOLORE,
SIAT PURU ACUTU E OPPRIMENTE,
FAGHE CHI LU SUPPORTE RIE RIE.

E SIAT TOTTU PRO T E ONORE E GLORIA,
E PRO ME PENITENZIA MERITORIA.

MAGIUSA ( pseudonimu )


UNA NOTTE IN PRESONIA

UNA NOTTE IN PRESONIA,
SENDH'IN SU SONNU AFFANNOSU,
CHE UN ASTRU RADIOSU
SES'APPARSA O PRENDHA MIA

E CUN ACCENTU AMOROSU
CUSTAS COSAS M'HASA NADU

TORRADA

VIVE SERENU E GIUCUNDHU,
AMADU MEU FIORE
FORSIS FINID'ES SU MUNDHU ?
FORSIS FINID'ES S'AMORE ?
PESA CHI OGNI DOLORE
SEMPR'IN SA VIDA ES PASSADU

TANTU SES TRISTU E DOLENTE
CHI NO T'IMPORTAT 'MORIRE ?
SUPPORTA CUSTU PRESENTE
CUNTEMPLENDHE S'AVVENIRE;
NON TORRAD A FIORIRE
FORSIS SU CAMPU ALLIZADU ?!

PENSA SOS TANTOS DILETTOS
CH'A TIE SUN RISERVADOS
PENS'A SOS DULZES AFFETTOS
CH'IN LOGU TOU HAS LASSADOS ;
PENS' A SOS TEMPOS PASSADOS
PENSA CANTU T'HAPO AMADU....

T'HAPO AMADU TANTU E TANTU
E FEDELMENTE TI AMO;
IN SAS ORAS DE PIANTU
A BOGHE ALTA TI GIAMO.
DEO PURU TANTU BRAMO
S'AMORE CHI M'ES MANCADU !

ALLONTANDA DA' SA MENTE
SA GRAVE MALINCONIA
E DROMMI FELICEMENTE,
ANIMA 'E S'ANIMA MIA
PENSENDHE CUN ALLEGRIA
CHI T'ISETTO, O CORO AMADU. """

E CUN ACCENTU AMOROSU
CUSTAS COSAS M'HASA NADU

MAGIUSA ( pseudonimu )