Paghe,paghe,paghe

Mancu in su sonnu idere tia cherrer
sa gherra,iscoppiàda atera ia,
fragassare onzi cosa,occhire,ferrer
bezzos,piseddos chena pore o ghia.
In tremen de unu sinnu,ispaventosu
mostre distruit onzi vida e gosu.
Avvelenat s'aera,s'inchidore
no si nde podet pro nudda godire,
siccas sas piantas,trassiccu su fíore
chena isettu mai de rebuddire,
montes e baddes nudos,calchi pedra
restàda rizza cun lanedda o edra.
S'ae,sa fera, finzassu boboi
suggettos sunt a sa mantessi solte,
domos derruttas, regnu de sa molte
cunselvant solu colza de coccoi.
Sa terra reduida a colcorigia
girat su sole chena una frommigia.
Ma no est solu meu su desizu
d'evitare sa gherra:biancos ,nieddo'
hana postu giudiociu'babbu e fizu
abba no giughent pius in sos chelveddos:
in sa pinnetta in s'isba, in grattacielu
onzunu, a contu sou, godet su chelu
Si si rispettat tribagliu e pessone
ite impoltnzia hat s'in oriente
sonniant totu divesciu de occidente
ei sos benes ponent in cumone,
in domo issoro fattende sa proa
si propriu menzus sunt o hant sa coa?
Sa paghe est troppu bella e troppu mann
su perigulu est de l'isconzare,
e cando a totu resultat in dannu
est maccu chie chèrede gherrare.
Pro chi m'intendant da unu nuraghe
isto isclamende"Paghe,paghe,paghe"


Saldu de prima e de como

Dae tempos e temporios su Saldu
fit che teracu malu e avvilidu
pro sas tempestas de frittu e de caldu
o rebelle a sa legge e foressidu.

Ma como liber'est e bene a taldu
mancari enit, no cheret frundidu,
e no ii mancat nè fae nè laldu,
o su piattu de pane salidu,

nè rattat pius sa terra cun s'aradu
de iinna,nè messende sa provista
ruede moltu cun sa falche in manu,

e dae cando s'est meccanizadu,
no istat pius a su pista pista
in s'aizola,cun trazu ei s'oe ispanu.


0 Saldigna Saldigna...

O Saldigna,Saldigna,finalmente
podes mirare,bènnidu s'eranu,
s'ispiga piena,maduru su ranu
si mai ti nd'ha giogadu sutt'e dente,

cun ogiu allegru e coloridu sanu,
binchidu su frazeliu pius potente
de sa malaria,torràda sa zente
de puntu'e molte a cara 'e cristianu.

Umbras ischeletridas in garrera
no s'ident pius andende iscoscia iscosci
como, posca mi ruo innoghe,incue.

Agianeddas agianos,pramma era,
passant cantende " Finida' est s'istroscia
de sa titula in pàntamos,a nue".