L ANTIAS....PO AMENTU

Mudu
su mundu
E zegu onzi foghile
Mudu
onzi campanile
E pedras assustradas
Chi curren cun carres a perzolos
e sambene chi prenen sos errios
In terras frittas chi non bien
...sos ossos
caminande...

a orulos si pesat
s'ultimu mastinu
filos ispinados
grughes a unchinos
bandelas pintadas a nieddu
giudeos cun cappas e gabbanos
alluen
che lampu su
fusile

...ebreos errantes...

Sighios in onzi logu
Cottos in forros sen'ispidu
Che larentu cottu senza pena
In padros de ispantos
De mammas ninnadoras
C'attittan sultimu piantu.

Lantias po
amentos
Lantias...alluttas che frores in sa notte
In onzi coro e mamma
Alluan sas isperas
e...non...perdan...sas dies...
..in s'olvidu.


(Mariposa)