In caminu...

A ue che so giòmpidu no nd'isco.
Ma isco su caminu ch'iapo fattu.
E no hapo bisonzu 'e mi 'oltare
pro ammentare... E pro sighire a tinu. (i)

Inchieta e selena m'est sorre sa duda.
Ne mi pessighin impudos tardìos.
Galu abbàido e punno addainanti...

E mi torran diadas de pensu attrividu (2)
e sididas anderas noales... In s'abba
de s'ismèntigu mudu
sas laras infunder non chelzo...
In runzones mi ballan ereos de 'antu!

A frionzos de paga cabuda
chena cras (3-4)
e ne deris
timanzas e nìnnidos bambos lis lasso. (5)

E mi dan fele e làstima e dolore
sos inzomos luados de sos carimannos (6)
auppados in trona che fattuzos... (7-8)

Imperistantu a ìrridu tottue (9)
trimizones de sambene si pesan (10)
fintza s'ultima ispera a nd'istudare.
E non bolat sa rundina annuntziadora
pro sos chi su pane cumassan a su 'enidore... (ii)

Chena pasu preguntas punghinosas
si paran a sos passos... E m'isettan (12)
in giannas de su tempus chena tempus
ateras sempre caras cuntierras.

S'incumandu chi thap'a mandare lu cumpro (13-14)
in sa 'ucca innotzente 'e su versu;
e che lizos de prata che lu 'etto
in su riu andantanu...Pro sempre...

A cabore
(15)
chi non siat ancora comintzadu
su 'iazu ch'in s'anima che giutto?!... (16)

Non isco mancu custu.
Ma so seguru chi no est finidu...



1) a timi - con giudizio; 2) attrividu - ardimentoso; 3)frionzu - mediocre; 4) cabuda - valore; quantità;
5) timanza - incenso; 6) carimannu spudorato; 7) auppadu - tronfio; 8) fattuzu - fantoccio; 9) ìrridu - bufera;
10) trimizone - turbine; 11) cumassare - impastare la farina per fare il pane;
12) parare/si - apparire improvviso (persona
ostacolo); 13) incumandu - raccomandazione
sollecitazione; 14) cumpro

cumprire - compiere; portare a compimento; 15)a cabore - modo di dire
interr.vo: non sarà che...?
forse...?;
16) 'iazu
biazu - viaggio.


GIOVANNI FIORI di ITTIRI -
Res. a 07100 - SASSARI
via G. Pastore
2
- tel. 079/ 29.24.41