IDDHA SU CRASTU E MONTE ACUTU

Monte acutu SantAlvara iddha
su fundhu e Limbara est in luttu.
Sant'Alvura iddha monte acutu
est in luttu su Limbara
fundhu e iddha monte acutu Sant'Alvora.

Fora e legge ,sa zente barbara
tot'imprudente es de malu gregge
sa zente barbara fora e legge
es de malu gregge tot'ímprudente
barbara fora e legge sa zente.

Pietrinu Crasta mente e coro
fi de bona pasta genuina
Crasta mente e coro Pietrinu
genuinu fi de bona pasta
monte e coro Píetrinu Crasta.

In su viaggiu l'hana nadu basta
presu e bendhadu ite coraggiu
l'hana nadu basta in su viaggiu
ite coraggiu presu e bendhadu
basta in su viaggiu l'hana nadu.


SA GIAE ANTIGA SALDIGNOLA

Ohtieri de s'isola sa giae
cantu ola si sola s'aberi
de s'isola sa giae Ohtieri
si sola s'aberi cantu ola
sa giae Ohtieri de s'isola

Su tema é liberu in s'iscola
es divinu misteru su problema
é liberu in s'iscola su tema
su problema es divinu misteru
in s' iscola su toema e liberu.

Ispiegadu giaru e fieru
bi cherede imparu de altu gradu
giaru e fieru ispiegadu
de altu gradu bi cherede imparu
o fieru ispiegadu giaru.

Funtana Cantareddu chen'imaru
fidi de Antoni Cubeddu paesana
Cantareddu can'imbaru funtana
paesana fidi de Antoni Cubeddu
chen'imbaru funtana Cantareddu.

Es trainu currendhe appereddu
infundhendhe es tottu su terrinu
currendhe appereddu es trainu
ca tottu su terrinu infundhendhe
appereddu es trainu currendhe.

Ichinusa licona allattendhe
in sa zona lea palte sa musa
licona allattendhe ichinusa
lea palte sa musa in sa zona
allattendhe ichinusa licona

Es vena naturale tantu ona
mudha onzi canale sa piena
naturale tantu ona es vena
sa piena mudha onzi canale
tantu ona es vena naturale

Contrada in Saldigna prinzipale
sa pius digna chi es mentovada
in Saldigna prinzipale contrada
chi es mentovada sa pius digna
prinzipale contrada in Saldigna.


MAMA E TOTTU ISPIRITUALE

Santa Maria es mama e Deu
est sa fiama chi ada lughe ia
ost mama e Deu Santa Maria
chi ada lughe ia e sa fiama
e Deu Santa Maria est mama.

Ha regnadu continu e regnada
in su regnu divinu immaculadu
continu regnada ada regnadu
immaculadu in su regnu divinu
regnada ada regnadu continu.

Su fizu el Gesusu de su sínu
su piusu chi ha tentu malturizzu
el Gesusu de su sinu su fizu
chi ha tentu malturizzu su piusu
de su sinu su fizu el Gesusu.

Moltu rosuscitadu chi mezzusu
es torradu chena rughe assoltu
resuscitadu chi mezzusu moltu
chena rughe assoltu es torradu
chi mozzusu moltu resuscittadu.

Pro sa culpa e s'inumanu dotadu
cristianu es de sa noastra culpa
e s'inumanu dotadu pro sa culpa
os de sa nostra pulpa cristianu
dotadu pro sa culpa e s'inumanu.