Pro Nostra Signora e su Remediu
concorso.

Girande sa Sardigna 'arruinada dae sos fogos


Dae su Sulcis a su Campidanu,
cuntemplande e Sardigna cussos logos
paredè d'ider'ispentu unu vulcanu,
in cussas zonas invasas dae fogos
prosigo poi a Barbaggia e Goceanu,
poi a Gaddura e osservo ispentos rogos
tue Vergine non intervenzas tardu
pro salvare su patrimoniu Sardu.

2.
Sos reos colpas senza piedade,
ca sunu malignos dae sas'intragnas
cantu fin bellas sas nostras muntagnas,
cun piantas de donzi calìdade
commo sun desoladas sas campagnas,
da sos nemigos de sa propriedade
chi hana postu in luttu terra e zente,
Vergine tue non sias clemente.

3
Dae su Monte Rasu a su Limbara,
A Ortobene, Gonare e Gennargentu
e onzi cadena e sa muntagna rara,
ue su fogu a bruiadu alluttu e tentu
Mama e su Remediu e tottus cara
propizia nde fagas s'interventu
e tantos frastimos mi siana ammissos,
ch'inue fogu ponene bruiene issos.

4.
Calanianus, Nuoro e Buddusò,
cun Tempiu, Burgos, Bono in d'un'assediu
es necessariu finedas su tediu
a esser fortes obbligos bos dò
penset Nostra Signora e su Rimediu
a cussos vandalos a narres chi nò
issa pottat truncare sos disastros,
salvande olias, suelzos e ozastros.

5.
E tue vile,assassinu e su c'has fattu
si oe tilu ragionas a sa seria
isfogad'has sa tua cattiveria
cun vigliaccos c'haias calchi pattu
ma nara commo si ses soddisfattu,
bodadu tind'has su famene e miseria ?
oepoi c'has fattu tale abbusu,
penso sias famidu de piusu.

6.
Bois de festas organizzadores,
dade a sos poetas custu tema
pro podere eliminare sos errores
risolvende d'incendios problema
pro ch'in sardigna cambien sistema
eliminande sos bruttos malfattores
e si Rimediu no agattana a cue,
tando Vergine tib'impignes tue.

7.
E a sos c'hana sa festa organizzadu,
chi b'han postu facultade e impignu
tue los mira cun oiu benignu
pro sos'onores chi t'han riservadu
ohi cant'hana'in progettu e in disignu
da issos benzada a termine portadu
tue los' incoragges dae su Tempiu
pro dare a sos seguaces dogni esempiu.

Antonio Porcu