Informazioni sull'opera
Culumba de Amistade
Dae tropu tempus
culumba
as firmadu
cuddu bolu serenu
d'amistade.
Crica
si podes
torralu
a pesare
e a alas ispartas bola
attesu.
In locos dae sa guerra
devastados
imbola frores e fozzas
d'olia.
Sonos e ballos de noba
armonia
regala a s'affrizida
umanidade.
Dae artu chentu carras
de ruina
imbola supra donz'arma
letale
pro chi non potzan pius faghere
male
e si caglien sos tronos
de terrore.
No mi 'nde ghires tue
illibrinida
pro su sambene ispartu 'e
s'innozente.
Pranta corazzu! E a su
cumbattente
sonali sa mandola 'e
s'amistade.
Riuni sos pius mannos de sa
terra.
Mustralis su bene de
s'amore
chi no isparghet luttos e
dolores
ma soles de ispera in su
futuru.
Titolo | CULUMBA DE AMISTADE |
Sezione | |
Autore | Antonio Mariani |
Nome | B20040049 |
Anno | 2004 |
Argomento | |
Descrizione | |
Lingua | |
Editore | Premio Ozieri |
Contributore | TecnoService |
Tipo | |
Formato | |
Fonte | Premio Ozieri |
Relazione | Concorso Premio Ozieri 2004 |
Copertura | Italia, Sardegna, Logudoro |
Diritti | Comune di Ozieri - Premio Ozieri |
Analisi del Testo |