Informazioni sull'opera
Coa de su 'eranu
Oje chi de cust'aspra mia tucada
benit a mancu su tempus
su colare
de un 'atteru die m'est giamende
chin su tai tai de su tumbarinu
dae sos trettos inneda
a raros ingadeinzos de unu chelu
bestiu 'e saveine
a mes'andare
chin bistinu e impuddile e de intirinada
m'avvio dae custu molinare
arguìu po partire
arguìu po tornare.
Ap'a zughere nuscos chene fracu
de una bertula 'irde 'e zoventude
a sa mimosa manna 'e s'universu.
Como chi mi perdo
in sa furesta 'e pricas
de un'attera istaione de misteriu
mi tirrian sos passos in sa neula
tremen sos annos
garrios de dies boidas e isperas
sos seros como falan su sipariu
chin umbras de timinzu
a sa cara iscontza 'e su nurache.
In su 'olu ispertu de una rundine
in su nidu boidu 'e su 'irdarolu
irbiadin sos sonnios mios
chei s'intumbu 'e una oche contomosa
chi istronat da una nurra
e chircat fua
in sos toccos de s'anima
in sas notas de cantones
chi ispartinan cantande
arcanu e amore:
como
s'arbore 'e su sentidu iscudet frore.
Titolo | COA DE SU 'ERANU |
Sezione | |
Autore | Salvatore Fancello |
Nome | B20040033 |
Anno | 2004 |
Argomento | |
Descrizione | |
Lingua | |
Editore | Premio Ozieri |
Contributore | TecnoService |
Tipo | |
Formato | |
Fonte | Premio Ozieri |
Relazione | Concorso Premio Ozieri 2004 |
Copertura | Italia, Sardegna, Logudoro |
Diritti | Comune di Ozieri - Premio Ozieri |
Analisi del Testo |