Informazioni sull'opera
A SA SARDIGNA M I A
Cara Sardigna mia ite malore
Ch'in sinu tou s'este isviluppende
Chi zertos fizos tuos calpestende
S'un su tou achistadu tantu onore.
Cuddu valore de su campu e battaglia
Chi achistesi su Sardu cumbattente
Oe l'è riduende a su niente
Cudd'infaustu re de sa buscaglia.
Cantu ti feridi a morte o Sardigna
Sas malas aziones cummitidas
Contra sos benes, cosas, e vida
De sa zente pacifica e benigna.
In custa terra Tua generosa
Vegeta troppu sa mala pianta
Ch'es pro tottu dolore e pena tanta
Ca creschede in manera ispaventosa.
Custa pianta nos'è flaggellende
In d'unu modu barbaru, inumanu
Chi forsi forsi mancu s'Africanu
A zertos puntos best'oe arrivende.
Sa terra Sarda sempre rapinada
bistesi, ma dae zente furistera
Oe sa belva sarda la supera
Pro haer cosa senza trabagliada.
Sos viles attentados a sa zente
Bi sos sequestros de persone
Pro s'omine de bona intenzione
No nde pode restare indiferente.
Invocamus remediu a su male
E a chie tocca de bi provvedire
prima chi sia tardu, e distruire
su morbu a no benne letale
E cun sos sardos de bona cussenzia
Isperemus su tempus cambiadu
Ei su malu a benner oastigadu
giustizia, e no clemenzia.
Aranesu.
TEMPUS GIUDAICU
Dende un'oiada a sa vida presente
Custu fattu podimus affirmare
Chi sa rejoneè già pro tramontare
Ca suprafatta es da su prepotente
S'omine falzu, sa zentz abruttida
Cheren sa veridade rinnegare
E chie chere su giustu affirmare
0 bi pones sos benes o sa vida.
Oe pius che mai su ricattu
Este in voga pro cosas e persones,
Poi domandan tantos miliones
Pro nde podere ottenne su riscattu
Si a unu da istalla, monte, o padru
Sos boes l'hana potidu furare
Calcunu si offri pro bilos torrare
Unu mediadore puru ladru
Sia custu de vicinu e de attesu
volentieri si offridi in s'intrigu
Carpi dinari a s'irrobadu amigu
E partin cun su ladru mesu mesu
In custu modu su falzu importunu
Chirca su derubadu de aggivare
Cando resessi custu a ndagatare
De duos gjuos binde a già post'unu.
Rapinan Bancas comente niente,
Isvaligian interos magaszinos
Aggredini operosos zittadinos
In sas zittades e pubblica mente
Triunfa s'egoismu iscelleradu,
Sa falzidade ei sa maldicenzia,
No esisti prinzipiu de cussenzia
Ca s'omine a su male si è votadu.
Cust'é su seculu de sa libertade
Era moderna tantu progredida
Chi rende tro ppu infelice sa vida
Ca est'inferma sa soziedade.
Addiu fratellanzia sinzera
Addiu fide'onestade e decoro
Addiu bonu sensu e bonu coro
Tuttu est mitu fantastigu e chimera.
Aranesu
A SA RADIO
Subra s'unda Herziana sempre in bolu
Sun musicas, discursos, visiones
S'idene e si faeddan sas persones
Mancari attesu dae polu in polu.
A su geniu de testa iscenziada
Ch'iscoperzesi sa legge de natura
Oe in terra no che hà criatura
Cun sensos chi no l'appede ammirada
A una tale geniu profundu
Sempre s'umanidade es depidora
Deo la paragono a s'aurora
Chi a s'affaciada illumina su mundu
S'omine oe no e pius solu
Isperdidu in s'Immensa lontananzia
Sa Radio li avvicina sa distanzia
L'illumina li servi de consolu
S'emigradu has sa Patria lontana
E turmentadu est da sa nostalgia
Però sa oghe de sa terra natia
intendede, e dest'unu taccasana
S' omine bene da issa informadu
De cantu este in sa terra suzedende
Si ha pagu tempus, fina manighende
Isse si intende su comunicadu
Cantu bene issa ha fattu e des fattende
Dae s'ora de sa sua invezione
E oe in terra no che ha Nazione
Chi non si sia de issa servende
Si unu bastimentu in s'oceanu
In d'una tempestosa zona inciampada
Sesse o esse sa radio lanciada
Su chi commové d'ogni coro umanu
0 in terra, o in mare, o in s'aera
S'omine beni da issa aggiuadu
E finzamentr'a Nobile a salvadu
In cudda impresa sua leggendera
Si sa Radio enzerede a mancare
Su mundu enidi in confusicne
Comente in d'una festa de veglione
Che bennida sa lughe a s'istudare
Aranesu
Titolo | A sa Sardigna mia- Tempus giudaicu- A sa radio |
Sezione | |
Autore | Aranesu PSEUD |
Nome | 1960-69 |
Anno | 1960 |
Argomento | |
Descrizione | |
Lingua | |
Editore | Premio Ozieri |
Contributore | Tecnoservice s.r.l. |
Tipo | |
Formato | |
Fonte | Premio Ozieri |
Relazione | Concorso Premio Ozieri 1960 |
Copertura | Logudoro, Sardegna Italia |
Diritti | Comune Ozieri, Premio Ozieri |
Analisi del Testo |
Novità
Epigrafia Giudicale. Sant’Antioco di Bisarcio: un’epigrafe commemorativa (1190-95)
di Gian Gabriele Cau
Il saggio è stato pubblicato in «Sardegna Antica: culture mediterranee», n. 50 (2016), pp. 35-42.
In una precedente occasione, sulle pagine di questa rivista, si è trattato di una iscrizione graffita nella chiesa di S. Antioco di Bisarcio, in agro di Ozieri. Si presentò, allora, uno studio sull’epigrafe
Un inedito simulacro del Cristo Risorto (1780 circa) di Giuseppe Antonio Lonis, nella chiesa di S. Lucia di Ozieri
di Gian Gabriele Cau
Nel primo numero della «Voce del Logudoro» di quest’anno (VdL 22 gennaio) si dava notizia di cinque inediti simulacri del patrimonio di arte sacra di Ozieri, attribuiti, sulla base dell’analisi stilistica, a Giuseppe Antonio Lonis concordemente considerato dalla critica il massimo rappresentante dell’arte scultoria in Sardegna della seconda metà del Settecento.
Eventi e Iniziative
61^ EDITZIONE: PREMIASCIONE ONLINE!
SAPADU SU 27 DE FREARZU, A ORA DE SAS 17,00 PREMIASCIONE CUN DIRETTA ONLINE YOUTUBE DE SA 61^ EDITZIONE DE SU PREMIU OTIERI
Pro bider sa diretta clicca custu: Youtube Premio Ozieri
OTIERI: SA PATRIA DE SA POESIA
SEMIFINALE POETRY SLAM SARDEGNA 2020
col patrocinio del Premio Ozieri di Letteratura Sarda ed il Comune di Ozieri, ospiteremo la Semifinale del Poetry Slam Sardegna.
Venerdì 11 settembre, CAMPETTI SAN GAVINO, ORE 20,00 - Ingresso libero
(ATTENZIONE: IN CASO DI MALTEMPO L'EVENTO SI TERRA' AL TEATRO CIVICO "ORIANA FALLACI")
L'evento è parte integrante del ricco programma della 61^ edizione del premio Ozieri di Letteratura Sarda ed inserito nel cartellone della manifestazione “ESTIAMO IN PIAZZA 2020”, organizzata dal comune di Ozieri.
61^ EDITZIONE: SOS PREMIADOS
PREMIO OZIERI - 61a Edizione 2020
V E R B A L E D E S A G I U R I A
Sos premiados
Setzione 1 - Poesia Sarda «Antoni Sanna»
- Giovanni Fiori: In su montiju meu
- Gian Bernardo Piroddi: Comente artizaias tue
- Pier Giuseppe Branca: Istadera de su mundu
60^ EDIZIONE - MANIFESTAZIONE PUBBLICA CONCLUSIVA
60^ EDIZIONE - MANIFESTAZIONE PUBBLICA CONCLUSIVA, PREMIAZIONE DEGLI AUTORI E RECITA DEI LAVORI.
OZIERI, SABATO 29 FEBBRAIO 2020 - TEATRO CIVICO "ORIANA FALLACI", ORE 15,30
Ospiti:
i poeti premiati nelle 3 sezioni del bando, Banda Brigata Sassari, Giuseppe Meloni (storico), Salvatore Ligios (fotografo/editore),