A sa fizza pianghjjola

Proite amada pramma,
t'isfaghes in piantu? e ite mai
dolet, a tie chi pianghes gai ?
e ite ancora cheres de manma ?

Premurosa e in pena,
si l'abbrazzat sa mama:e in sa ninna
a coro a coro ammutat sa pizinna:
una misica e chelu a boghe lena:

O.o o o o ...coro 'e su coro meu,
paghe ti dia Deu,
a ninna a ninna, o o o o

Ti dormis e t'ischidas
senza assussegu, sempre a chiezu ifustu
Gesummeu! piantu siat custu
e custas sian lagrimas buddidas.

Como.senza suffrire
pena peruna, t'affogas:a mannu,
si Deus ti d'hat vida, ites affannu
ite siat dolore has a ischire,

E cando, positivu,
morta deo,e no has piusu a chie
Ti consolet, pianghes in sa
cun pius pena e no senza motivu.

No ischis chi b'hat animas,
a sas cales, e suffrin chissa cantu,
(l'ischit Deus) negadu è su piantu:
e sullevu no hana e nè han lagrimas,

Sa vida est fatta goi,
o anghela innozzente: unu fiore
chi creschede in sa pena, e de lentore
li servit su piantu e sicca poi.

SUNT LACRIMAE RERUM


Su donu de sa vida

Sun tantos e non pagos sos chi creene
chi cun sa vida, a dogni criadura
regalet unu bene sa natura;
d'eo no isco cal'est custu bene

Bene? si bene b'hada est ripienu
de miscugliu omicida. est un'utiu
de mese solu, in mesu a unu riu
in'unda, de abba brutta e de velenu.

E ne podet sa vida beneigher.
ne chie, sende ancora sepultada
senza sensu, in su nudda, bi l'hat dada,
est unu pesu de non poder gigher

Creo d'esser invece una setenzia,
un'ipoteca 'e morte ;unu fatale
depidu mannu , una cambiale
chi si devet pagare a s'iscadenzia.

Male senza riparu:e pro aggiangher
pius pena a sa pena, inoghe, in dolu,
in cust'adde odiosa , in disconsolu,
no hat mancadu mai ite piangher.

Ne sessat, fin'a cando non si ammudit
sa limba umana, e chi sas puppias
consuntas, pius mortas chi no bias,
chie la s'hat azzesas las istudat.

Lacrimae sunt rerum.


su semenadore

Sende pro dare cun suore nou
senenta noa a sa terra, c'haiat
già prepparada, santa s'ora
narat,cun s'oju in alvu , in sinu sou.

Intrat a giunher: si sinnat intantu,
sa manu dritta alzendesi a su chizzu:
in numen de su babbu e de su fizzu

de S'Ispirítu Santu;
Tulat, e torra si sinnat: a rughe
isparghet sa sementa, a larga manu;
rosariende: in aria su ranu
brillat che giaes de oro a sa lughe.

A sa 'oghe su già partit serenu,
in tira e drittu, paret batigiadu:
s'alvada affundat, imberghet: s'aradu
andat e torrat a surcu pienu.

Suerat su postu in pija,
Premen sos incarchende tuju
in sa terra afferrada ;a un'ancuju
si faghen sa carena in sa, cadrjia

Fumat sa terra no ancora fritta
in s'umídu manzanu, est su serenu
sadu e postu in fua in su pienu
ispuntat sa pianta beneitta

L'ammírat su massaiju, e in coro sou
la beneighet;li paret s'odore
chi sa terra tramandat, in s'umore
chi consolet :proffumu 'e pane nou.

E isse intantu sonniat s'alzola,
a notte che a die, in contivizos:
sos boes , su laorzu;e isposa e fizos
regoglidos in una ispera sola.