Un bringhisi disiciatu*                          
bruddhichiggja* illu me' cori,               
di cantallu lu me fiori
n'àggju gjustu lu muttiu*,                     
l'ea curri illu sò riu*                               
e s'avvelti la casgiòni*.                       
Focciu chisti paragòni
palchì bramu li to' sendi*,                 
speru chi tu mi cumprendi,
candu ti 'icu* mi cunsolu                
no ti palghia un zirriolu*...                   
chist'amori c'àggju in pettu
mùstru sinzeru l’affettu,
chi no socu casticatu*                             
si m'imbolu* innammuratu,                 
dicjaratti* 'olarìa**                               
lu me' spiciu a malaìa*                          
pochi 'olti lu pilmetti*,                      
siddhu però vi rifletti
chist'è pura 'iritài*.                                
Eu pensu chi tu sai
ma no milla dai 'inta*,                       
àggju la me' cara tinta
ruiu com'un focu accesu...
l'imbaràzzu ch'è cumpresu,
s'avvilguiggj'a primma 'ista*                
tantu c'abbassu la crista*                      
come colciu* svinturatu.                         
Si m'aristi avveru amatu
lu 'entu aria in faori*,                           
 
bruddhichiggja illu me' cori
un bringhisi disiciatu.