Ma si basterat una poesia
Pro arrundar’e lughes su sentidu,
Ch'esserat issa jogulu che nidu,
Ch'abbòniet su ris'a sa trascia…

Chi ti carignet in sa tiridia
Chi sighit de sa manu su caminu,
In sa carosa chirca de su sinu,
Su cantaru de vida, eterna via.

Chi assolopet lùghidas ojadas
De ammajosos ràidos desizos,
De chizos, pizos, càvanos e laras.

Ch'iscosat de sas bestes sos orizos,
Ch'illàcanet su sens"e sas miradas
E ch'indeoret de lughes sas caras…

Bi dia esser bon'a l'imprentare?