No' m'isciddèddi
dumani,
lasseddimi pasà
1 ra rena
chi ru siàzzu
di ru mari
ha isciubaràddu
pa' ri sonnii
ivrasiaddi
di r'isthìu.
E si ru bentu
fazi ruscià
la rena
e n'azza
li cabaddoni
furriosi
da ri grutti
buggi
e funguddi
di ru mari,
no' m'isciddeddi
dumani,
lasseddimi pasà
lasseddi
chi ri grani
di ra sciumma
possiani cururassi
di sori
e cùrriani
dall'occi mei
isthudaddi
sobra l'ischogli
rànzighi
chi ru mari
fraza appianu
cu ru so arenu
lentu
e disipparaddu.
No' m'isciddeddi,
no' m'isciddeddi
dumani.