Longa è chistha sera
piena d'istheniu
appiccadda
cu un ciodu di marincunia
a la luzi intejminabiri
di l'isthiu.
E lu tempu
chi no vo passà
ha fejmu puru li pinsamenti
p'arribballi
affulladdi
a !'ori timiddi
d'una notti chena sonnu.
Sera longa d'isthiu
piena di lu disizu vanu
di la giuvintura
chi no t'hai gudiddu
i l'isthasgioni toia.
Acchì lu tempu di tandu,
chi currìa
chen'arriggissi mancu pa una sera,
ti furaba !'ori
iffrabbinaddi di sori
pa cualli
isthudaddi
in chintini funguddi
nieddi di faddigga.
E inveci troppu longa è abà
chistha sera
piena di pintimenti
appiccadda
cu un ciodu di dippettu
a la luzi intejminabiri
di l'isthiu.
E lu tempu
chi no sejvi più
lu rigari
pa ammentu
a li ridozi iffasciaddi.