'Ighemi cun s'ispuma de su mare
a costazos 'e s'isula
'ighemi rodulenghe che linna
a faladas de monte
'ighemi, innanti chi finat s'ispera
a domo mia.
Oras lasso chene contu
chene penetu, né male.
Che colvu 'e mare, famidu
mi so 'ettadu in terra a chilcare
mi pariat de chelu
su poder trabagliare.
Lassa! Lassa mi fuire
si anco est prestu,
si sas ancas m'aggiuana
chelzo currere cun sos canes
a su ciamu de s'ultulzu
in sas chesuras noales.
'Ighemi, innanti chi sa neula
mi covachet sa vista
'ighemi ainue finzat su nibbaru;
lassami incue
chene piantu,
chene battaria
lassami liberu
de torrare s'alenu in domo mia.