Informazioni sull'opera
Finas'a tantu
chi sutta custu chelu de incantu
unu sole cumpiaghidu lughede
subra' piaes bezzas
chei sos mugros nieddos
semenados cue' cuddane,
testimonzos de un'edade
re gotta,
de custa terra nostra,
ula e ispantu de cantos la mirana,
fìores e fruttos no nd'essit:
adiu, bonos intentos!
Finas'a tantu chi su cumpanzu
a sas teneras manos de sa sua
istrazzene,
e-i sa marna a sos pizzinnos
furene;
fìns'a tantu chi su prantu innozente
dae runda in runda tumbidi
cariende su coro
chin penas mannas;
fìnas'a tantu chi su inari malaittu
siat in cussideru
a su puntu de attire
a su chi attidi;
fìn'a tantu chi unu pattidi,
chi gherrat in su zustu;
fìnas chi tottu gustu
contet aberu tantu;
finas chi su piantu
de sos bonos, de tottu
no benit ricconnottu,
custu telu mischinu
chi nos coberidi
e nos pesada,
no nor lassada.
Titolo | Finas'a tantu |
Sezione | Poesia Sarda Inedita |
Autore | Pietro Mellino |
Nome | |
Anno | 1971 |
Argomento | |
Descrizione | |
Lingua | |
Editore | Premio Ozieri |
Contributore | ATHENA SRL |
Tipo | |
Formato | |
Fonte | Premio Ozieri |
Relazione | Concorso Premio Ozieri 1971 |
Copertura | Logudoro, Sardegna Italia |
Diritti | Comune Ozieri, Premio Ozieri |
Analisi del Testo |