L'ottugnu era 'inutu
e tuttu lu me' buscu era ghjà mutu,
chi !'alti ceddhj sinn'erani andati.
Tu sola, scricchja, ancora eri saltendi
di ramu in ramu e tra li pruni crudi
di li sebbi sfruniti eri cantendi.
Dapoi la frina ghjaccesi la tarra
cu l'alenu crudeli di la molti,
e tu, poàra cedda, la to solti
eri pignendi, senza cunniscilla.
Illu to' cantu tu eri pinsendi:
abà socu regina di la sebbi,
sola cussì in tuttu chistu ghjelu.
Regina sola, ma d'un regnu tristu,
d'una campagna fattasi disseltu.
Cussì mi pari chi sia la me' solti:
anima sola e cantà senza soli,
candu l'ottugnu da l'alburi a boli
spintu ha li frondi chi tutti so molti.