Cherzo morrer inoghe
in cust'atta
'e riu
in s'umbra
'e custa matta,
prima chi falet sero
e benzat frittu.
Cherzo morrere inoghe
chin sa lughe in sos ogros.
Pius tardu sas fozzas
de sos olostios
amoran chin su 'entu in ·sutta runda
chin sas laras de sambene,
e isettan sa luna
chi ballet nuda subra sas ispinas.
Ma no amo sa notte
e m'arpilat s'iscuru.
A die prena
corno chi est istiu
e muene sas abes tottu in ziru,
sonniende funtanas chi bubuddini
e nues chi caminana in su sole
cherzo morrere inoghe.