Maggiu, chi sinfonia di canzoni ,
Chi fantasia di fiori prufumaddi
E chisuri di ru tutt'infiuraddi
D'isthelli bianchi! Fiotti di pizzoni
N'éscini da lu nidu, indilliriaddi,
E l'aiburi d'aranzu e di limoni
Pàrini azzesi ... Maggiu, chi passioni,
Chi féstha bedda pa' l'innamuraddi!
Carigni dozi dozi, canti, bori,
E basgi ... basgi ... tènnari e sinzéri,
Chi sòru a maggiu hani piu bon saòri!
Candu lu sori ruiu che la bràsgia
Secca lu fiori di lu succiaméri,
Lu cuccu canta in mezz 'a la cariàsgia
Li canzoni chi appàsani lu cori
E invitani a drummi sonni lizzéri,
Com'un ridozu candu batti l'ori ...