Sas campaneddas de carrasegare
mi muini in urigas
in Melbourne
canno ido unu cane
o unu puzzone in s'aera
in sa tanca 'e tobaccu
o una pintura 'e cazza
in domo 'e mr. Anthony.
Su mazzone est ammoladu
cun sa corroga sidida
incue, inie, no isco,
in sa caminera 'e pruine.
Mi pariat fazile
a vivere in chirros de munnu
e non so sézidu in aereo
ca so fizu 'e pastore.
Sas ranas de prumone
inzendran, a cantu paret,
po su sambene fine
a deghemiza metros de altesa.
Po nois est in s'alidu 'e s'erba,
in su entu 'e Campidanu.
White borse ...
Su caddu murru
rimbumbat
in sa carrela ezza
chen' 'e whiski,
e sas predas cazzan fogu
asutta 'e pese,
sas pizzinnas in ventanas,
e curret su inu nieddu
in ogos de cumpanzos
cun sonu 'e campaneddas.
Non fit fazile
...
a vivere mcue, o ime, no 1sco,
a cadd' 'e ainu
cun su mazzone in tempos de ierru.
Appo cherfidu currere
carrelas de munnu,
e corno so inoghe
cun caddu murru in sa tazza,
chen' 'e ungra e né ferros
de pagare a mastru Antine.
Attentu, mi narian, a su catramu.
Inoghe puru ch'at pruine
in sa canna 'e zucaru,
in su fumu 'e sa domo 'e linna,
in su foghile istudadu.
- Un'atera tazza, mister -.
- E bettade, compà -.
Comente ateros tempos.
Su carradeddu 'e arriu
ch'app'ennidu a Deddegu
teniat sabore 'e inu ezzu,
sutta sa sedda ingresa
de carrelas cun campaneddas.
Passos de caddu intenno

in mesu 'e tobaccu
chen' 'e corrogas sididas,
chen' 'e pizzinnas né ventanas,
chen' 'e predas chi cazzan fogu
in rodas de camion,
chen' 'e inu in ampulla
e né molente,
chen' 'e albeghe né latte
né pruine in s'istradone
né canes in s'aera.
- Blak and white - ...
- Yes -.
Un•ateru caddu
nieddu e murru
balzanu a battor pese
in sa tazza.
- A horse, a horse, my kingdom fora horse -
narat s'ingresu.
Unu caddu, unu caddu, sos benes mios po unu
[caddu.
In domo 'e mr. Antofiy
bi ada una pintura
cun molas e cresura,
cun cavalleris ruios,
chen' 'e muros né ru,
e chen' 'e campaneddas
de carrasegare.